ஏர்போர்ட்ல முகத்த மூடிக்கிட்டு வேகமாக சென்ற தளபதி விஜய்!

அட்லி இயக்கத்தில் தளபதி விஜய் நடிப்பில் உருவாகியுள்ள படம் பிகில். அண்மையில், இப்படத்தின் இசை வெளியீட்டு விழா பிரமாண்டமாக நடந்தது. இதில், படக்குழுவினர் பலரும் கலந்து கொண்டு பேசினர். விஜய் தனது குடும்பத்தினருடன் கலந்து கொண்டார். விழாவில் விஜய்யின் பேச்சைக்கேட்கவே ஆயிரக்கணக்கான ரசிகர்கள் குவிந்திருந்தனர். அரசியல் குறித்து மறைமுகமாகவே தனது கருத்துக்களை பதிவு செய்தார்.

வரும் தீபாவளிக்கு இப்படம் திரைக்கு வருகிறது. அதற்கு முன்னதாக இயக்குநர் லோகேஷ் கனகராஜ் இயக்கத்தில் விஜய் தனது 64ஆவது படத்தில் நடிக்க இருக்கிறார். இப்படத்தின் படப்பிடிப்பு வரும் அக்டோபர் மாதத்தில் தொடங்க இருக்கிறது. இந்த நிலையில், விஜய் முகத்தில் மாஸ்க் போட்டுக்கொண்டு ஏர்போர்ட்டில் வேகமாக நடந்து செல்லும் வீடியோ ஒன்று சமூக வலைதளங்களில் வைரலாகி வருகிறது. ஆனால், அவர் எந்த நாட்டிற்கு சென்றார் என்பது குறித்து தகவல் வெளியாகவில்லை.


பொதுவாக ஒரு படத்தின் படப்பிடிப்பு முடிந்த அடுத்த படம் தொடங்குவதற்கு முன்னதாக விஜய் வெளிநாட்டிற்கு சுற்றுலாவுக்கு செல்வது வழக்கம். அந்த வகையில், பிகில் படத்தின் அனைத்து வேலைகளும் முடிக்கப்பட்ட நிலையிலும், தளபதி 64 படத்தின் படப்பிடிப்பு தொடங்க உள்ள நிலையிலும் உள்ளன. இந்த இடைப்பட்ட காலத்தில் விஜய் சுற்றுலாவிற்கு சென்றதாக தகவல் வெளியாகி வருகிறது என்பது குறிப்பிடத்தக்கது. அதற்கான புகைப்படமும் சமூக வலைதளங்களில் வைரலாகி வருகிறது.

தளபதி 64 படத்திற்கு இசையமைப்பாளர் அனிருத் இசையமைக்கிறார். எக்ஸ்பி கிரியேட்டர்ஸ் நிறுவனம் இப்படத்தை தயாரிக்கிறது. இப்படத்தில் நடிக்கும் மற்ற நடிகர், நடிகைகள் குறித்த விவரம் விரைவில் வெளிவரும் என்று எதிர்பார்க்கப்படுகிறது.