சிறுத்தை சிவாவை கழட்டி விட்டாரா ரஜினிகாந்த்?

தமிழின் சூப்பர் ஸ்டாராக 30 வருடங்களை கடந்தும் வசூலில் சாதனை படைப்பவர் ரஜினிகாந்த். தென்னிந்திய மொழிகள் அனைத்திலும் இவர் படங்களுக்கான வரவேற்பு மிகப்பெரியது. ஆசியாவில் அதிக சம்பளம்
வாங்கும் நடிகர். ஜப்பானில் இவரது படத்திற்கு தனித்த வரவேற்பு உள்ளது. இவரது நடிப்பில் 2.0 இப்போது சீன மொழியில் மொழி மாற்றம் செய்யப்பட்டு வசூல் சாதனை படைத்து வருகிறது.

அஜித், விஜய் முன்னணி நாயகர்களாக விளங்கும் தற்போதைய தமிழ் சினிமாவில் இப்போதும் சூப்பர் ஸ்டாராக வசூல் நாயகனாக ரஜினிகாந்த் கொண்டாடப்படுகிறார். இவர் விரைவில் அரசியல் கட்சி ஆரம்பிக்க உள்ளதாக கூறப்பட்ட நிலையில் கபாலி, காலா, பேட்ட, என தொடர்ச்சியாக படங்களில் நடித்து வந்தார்.

மீண்டும் ஸ்லிம்மான நமீதா ரசிகர்கள் ஆச்சர்யம்!

சூப்பர் ஸ்டார் ரஜினிகாந்த் இப்போது பேட்ட படத்தின் வெற்றியைத் தொடர்ந்து ஏ. ஆர். முருகதாஸ் இயக்கத்தில் தர்பார் என்ற படத்தில் நடித்து வருகிறார். இந்தப் படம் வரும் பொங்கலுக்கு வெளியாகும் என்று படக்குழுவினர் தெரிவித்திருந்தனர்.

கார்த்திக் சுப்புராஜ் இயக்கத்தில் பேட்ட படம் இந்த வருடம் பொங்கலுக்கு வெளியாகி நல்ல வசூலை ஈட்டித்தந்தது. அதனைத் தொடர்ந்து தர்பார் படமும் பொங்கலுக்கு வெளியிட திட்டமிட்டுள்ளனர் படக் குழுவினர். இந்தப் படத்தில் ரஜினிக்கு ஜோடியாக நயன்தாரா நடித்து வருகிறார். மேலும் இப்படத்தில் பாலிவுட் நடிகர் சுனில் ஷட்டி, நிவேதா தாமஸ், யோகிபாபு, தம்பி ராமையா மற்றும் பலர் நடித்து வருகின்றனர். இப்படத்திற்கு அனிருத் இசையமைக்கிறார். லைகா நிறுவனம் இப்படத்தை பிரமாண்டமாக தயாரித்து வருகிறது.

தல அஜித் படத்தை புகழ்ந்து பேசிய இயக்குனர் சசி!

தர்பார் படத்தின் பெரும்பாலான காட்சிகள் மும்பையிலேயே படமாக்கப் பட்டு வருகின்றன. இப்படத்தினை தொடர்ந்து அஜித்தின் ஆஸ்தான இயக்குநராக கருதப்படும் சிறுத்தை சிவா இயக்கத்தில் ரஜினி நடிப்பதாக கூறப்பட்டது.

சூர்யா நடிக்கவிருந்த படத்தின் வேலைகளை ஒதுக்கி வைத்து இயக்குநர் சிறுத்தை சிவா ரஜினி படத்திற்கான வேலைகளில் ஈடுபட்டு வந்தார். இந்த நிலையில் ரஜினி மீண்டும் ஏ ஆர் முருகதாஸ் இயக்கத்தில் நடிக்க உள்ளதாக தற்போது தகவல் வந்துள்ளது. தர்பார் படத்தின் ஷூட்டிங் முடிய உள்ள நிலையில் ஏ ஆர் முருகதாஸ் ரஜினியிடம் மீண்டும் ஒரு கதை சொல்ல அந்தக் கதை ரஜினிக்கு மிகவும் பிடித்துவிட்டதாம்.

கருணாஸ் மனைவியை பார்த்து பாலாஜி 'அப்படி' சொன்னது உண்மையா?: ஸ்ரீப்ரியா கோபம்

உடனடியாக இப்படத்தை ஆரம்பிக்கலாம் என ரஜினி கூற ஏ ஆர் முருகதாஸ் பயங்கர உற்சாகத்தில் இருக்கிறாராம். லைகா நிறுவனமே இப்படத்தினை தயாரிக்க இருப்பதாகவும் இப்படத்தின் ஆரம்பகட்ட பேச்சு வார்த்தை தற்போது நடந்து வருவதாகவும் படக்குழுவினர் தெரிவித்து வருகின்றனர்.

இதனால் சிறுத்தை சிவா இயக்கத்தில் ரஜினி நடிப்பாரா? இல்லை அவர் நீக்கப்பட்டாரா? எனக் கேள்வி எழுந்துள்ளது. ஏ ஆர் முருகதாஸின் படத்திற்கு பிறகு ரஜினி சிறுத்தை சிவா படத்தில் நடிப்பார் என்றும் ஒரு தகவல் சுற்றி வருகிறது. அதிகாரப்பூர்வ தகவல் வந்தால் மட்டுமே இதனை பற்றிய உண்மைத் தகவல் வெளிவரும்.