பாரதிராஜா தனது பதவியை ராஜினாமா செய்ததைத் தொடர்ந்து இயக்குநர் சங்கத் தேர்தல் தேதி அறிவிப்பு!

இயக்குநர் இமையம் பாரதிராஜா தற்போது தயாரிப்பாளர் சங்கத் தலைவராகஇருப்பதால் இயக்குநர் சங்கம் தனிப்பெரும்பான்மையுடன் தனக்கு அளித்த தலைவர்பதவியை ராஜினாமா செய்தார். பாரதிராஜா தமிழக அரசு அமைத்த குழுவின் சார்பில் தயாரிப்பாளர் சங்கத் தலைவராக செயல்பட்டு வருகிறார். கடந்த வாரம் க்யூப் நிறுவனத்துடன் தயாரிப்பாளர் சங்கத்திற்கு இருந்த பிரச்சனைகளை பேசித் தீர்த்ததன் மூலம் நற்பெயர் பெற்றார். விஷால் தலைமை சரியில்லை என்பதை நிரூபிக்கும் விதமாக அவரது செயல்பாடுகள் இருந்து வருகிறது. இந்த நிலையில் கடந்த மாதம் தனியார் திரையரங்கில் நடைபெற்ற இயக்குநர் சங்க குழு கூட்டத்தில் இயக்குநர் பாரதிராஜா அனைத்து உறுப்பினர்களாலும் ஒரு மனதாக தலைவராக தேர்ந்தெடுக்கப்பட்டார்.

சினிமா உலகில் அனைவரும் பாரதிராஜாவிற்கு பாராட்டுக்கள் தெரிவித்தனர். இதனால் ஒரே நேரத்தில் தயாரிப்பாளர் சங்கத்திற்கும் இயக்குநர் சங்கத்திற்கும் தலைவராக செயல்படும் நிலை ஏற்பட்டது. நடிகர் விஷால் நடிகர் சங்கத்திலும் தயாரிப்பாளர் சங்கத்திலும் பதவியில் இருந்தது பெரும் குற்றச்சாட்டாக வைக்கப்பட்டது. தயாரிப்பாளர் சங்க எதிரணி விஷாலின் செயல்பாடுகளில் அதை முக்கிய குற்றச்சாட்டாக முன்னிறுத்தினார்கள்.

விஷாலை பதவியிலிருந்து இறக்கிவிட்டு பாரதிராஜா குழு வந்த நிலையில் பாரதிராஜா இரட்டைப்பதவியில் இருப்பது மீண்டும் பிரச்சனையாக வெடிக்கும் என எதிர்பார்க்கப்பட்டது. இந்த நிலையில் இயகுநர் சங்க தலைவராக பதவியை ராஜினாமா செய்தார் பாரதி ராஜா.

பாரதிராஜா தன் ராஜினாமா கடித்தத்தில் இயக்குநர் சங்க உறுப்பினர்கள் பேராதரவுடன் போட்டியின்றி என்னைத் தலைவாராக தேர்ந்தெடுத்தற்கு மிகவும் நன்றி. ஆனால் தேர்தலில் போட்டியின்றி தலைவர் பதவிக்கு தேர்ந்தெடுக்கபட்டால்அதனால் ஏற்படும் சங்கடங்களை நான் நன்கு உணர்ந்துள்ளேன். ஆகையால் ஜனநாயக முறைப்படி தலைவரை தேர்ந்தெடுக்க வசதியாக எனது தலைவர் பதவியை ராஜினாமா செய்கிறேன் என கூறியிருந்தார்.

இயக்குநர் சங்க உறுப்பினர்கள் பாரதிராஜாவை சமாதானம் செய்ய முயன்றனர். ஆனால் அவர் ஒத்துக்கொள்ளவில்லை. எனவே தற்போது இயக்குநர் சஙகத்திற்கு தேர்தல் அறிவிக்கப்பட்டுள்ளது. தமிழ்நாடு திரைப்பட இயக்குனர் சங்கத்தின் தலைவர் பதவி தற்போது காலியாக உள்ளது. அப்பதவிக்கு வரும் 10ம் தேதி வேட்புமனு தாக்கல் நடைபெறும் என அறிவிக்கப்பட்டுள்ளது. இதுதொடர்பாக, நடைபெற்ற சங்கத்தின் அவசர கூட்டத்தில் தேர்தலை வரும் 14ம் தேதிக்கு பதிலாக 21ம் தேதி நடத்தவும் முடிவு செய்யப்பட்டது.

மற்ற பதவிகளுக்கு விண்ணப்பித்தவர்களும் தலைவர் பதவிக்கு விண்ணப்பிக்கலாம் என்று அறிவிக்கப்பட்டுள்ளது. மனுக்களை திரும்ப பெற வரும் 12ம் தேதி கடைசி நாள். ஜூலை 13ல் இறுதிப்பட்டியல் வெளியிடப்பட்டு, வரும் 21ஆம் தேதி வடபழனி திரைப்பட இசைக்கலைஞர்கள் சங்க வளாகத்தில் தேர்தல் நடைபெறும் என அறிவிக்கப்பட்டுள்ளது.