நீண்ட இடைவெளிக்குப்பின் வெங்கடேஷ் இயக்கத்தில் ‘நேத்ரா’!

இயக்குனர் ஏ.வெங்கடேஷ் நீண்ட இடைவெளிக்குப் பின் ‘நேத்ரா’ என்ற படத்தை இயக்கியுள்ளார்.

இயக்குனர் வெங்கடேஷ் தமிழில் ‘மகாபிரபு’, ‘செல்வா’, ‘ஏய்’, ‘சாக்லெட்‘, ‘பகவதி’, ‘குத்து’, ‘சாணக்யா’ உள்ளிட்ட 22 படங்களை இயக்கியுள்ளார். தற்போது அவரின் 23வது படமாக ‘நேத்ரா’ என்ற படத்தை இயக்கி வருகிறார். இந்தப் படத்தில் வினய், சுபிக்ஷா, ரோபோ சங்கர், இமான் அண்ணாச்சி, வின்செண்ட் அசோகன் உள்பட பலர் நடிக்கின்றனர். படத்திற்கு ஸ்ரீகாந்த் தேவா இசையமைக்கிறார்.

இந்தப் படத்தைப் பற்றி இயக்குனர் கூறுகையில், இந்தப்படத்தின் படப்பிடிப்பு பெரும்பகுதி கனடாவில் நடைபெற்றது ”தமிழ் நாட்டிலிருந்து கனடாவுக்கு செல்லும் ஒரு இளம் தம்பதிகள் அங்கு சந்திக்கும் விபரீதங்களும், அதை அவர்கள் எதிர்கொள்வதும் தான் படத்தின் கதை. இந்தப் படத்தின் கதையை கேட்டதும் கனடாவைச் சேர்ந்த பா.ராஜசிங்கம் என்பவர் படத்தை தயாரிக்க முடிவு செய்தார்.

சென்னையில் படப்பிடிப்பை முடித்து விட்டோம், விரைவில் கனடா செல்ல இருக்கிறோம். நான் இதுவரை பக்கா கமர்ஷியல் படம்தான் இயக்கியிருக்கிறேன். இது த்ரில்லர் பிளஸ் காமெடி படம். ரோபோ சங்கர், மொட்டை ராஜேந்திரன் இணைந்து காமெடியில் கலக்குகிறார்கள்” என்கிறார் இயக்குனர் ஏ.வெங்கடேஷ்.