பொங்கலுக்கு மோதவிருக்கும் தல – தளபதி!

தமிழ் சினிமாவின் போட்டி நடிகர்கள் என்ற வரிசையில் ரஜினி, கமலை தொடர்ந்து வருபவர்கள் அஜித் மற்றும் விஜய். ஒரே சமயத்தில் திரைத்துறைக்கு வந்த இருவரும் சில வருடங்களுக்கு முன்பு வரை சம எண்ணிக்கையில் திரைப்படங்கள் நடித்துவந்தனர். அதனால் அவர்களும் படங்களும் ஒரே நாளில் வெளியாக ரசிகர்களை கொண்டாட்ட மனநிலைக்கு கொண்டுசெல்லும். ஆனால் நடிகர் விஜய் ஒரே வருடத்தில் இரண்டு படங்களில் நடித்து அஜித்தை முந்திவிட்டார். தற்போது தனது 60வது படமான பைரவாவில் விஜய் நடித்து வரும் வேளையில் அஜித் 57 படத்தில் நடித்து வருகிறார்.

விஜய்யின் பைரவா பொங்களுக்கு வெளியிட திட்டமிடப்பட்டுள்ளது. ஆனால் சிறுத்தை சிவா இயக்கும் அஜித் படத்திற்கு இன்னும் பெயர் வைக்கப்படவில்லை. முதல் கட்ட படப்பிடிப்பு தற்போது முடிந்துள்ளது. இந்நிலையில் பொங்களுக்கு விஜய் படம் ரிலீசாகும் நிலையில், அஜித் தனது ரசிகர்களை ஏமாற்றக்கூடாது என்பதற்காக தற்போது நடித்துவரும் படத்தின் ஃபர்ஸ்ட் லுக் போஸ்டரை வெளியிட முடிவு செய்திருக்கிறாராம். இதன் மூலம் நீண்ட நாட்களுக்கு பிறகு இந்த புது முறையில் அஜித் –விஜய் மோதிக்கொள்கிறார்கள்.

After long time vijay’s bhairava and ajith’s next film first look poster releasing same day.