திருமணத்திற்கு பிறகு வரும் முதல் பிறந்தநாளை கொண்டாடும் புது மாப்பிள்ளை குறளரசன்!

பின்னணி பாடகரும், இசையமைப்பாளருமான குறளரசன் இன்று தனது பிறந்தநாளை மனைவியுடன் இணைந்து கோலாகலமாக கொண்டாடுகிறார்.

தமிழ் திரையுலகில் சர்ச்சைக்குரிய நாயகனாக வலம் வந்து கொண்டிருப்பவர் சிம்பு. தொடர்ந்து பல்வேறு படங்களில் பிஸியாக நடித்து வருகிறார். பலமுறை காதலில் தோல்வி அடைந்துள்ளார். இந்நிலையில் கடந்த ஏப்ரல் மாதம் இவருடைய சகோதரரும், பின்னணிப் பாடகருமான குறளரசனுக்கும், நபீலா அகமதுவிற்கும் திருமணம் நடந்தது.

மிகவும் எளிமையாக நடந்த திருமண நிகழ்ச்சியைத் தொடர்ந்து திருமண வரவேற்பு நிகழ்ச்சியும் நடந்தது. இதில், சினிமா மற்றும் அரசியல் பிரபலங்கள் பலரும் கலந்து கொண்டனர்.

இந்த நிலையில், திருமணம் முடிந்த ஒரு மாதத்திலேயே மனைவியுடன் இணைந்து தனது பிறந்தநாளை கோலாகலமாக கொண்டாடுகிறார். இவ்வளவு ஏன், சிம்பு மற்றும் நயன் தாரா நடிப்பில் வந்த இது நம்ம ஆளு படத்திற்கு இசையமைத்து தன்னை ஒரு இசையமைப்பாளராக அறிமுகம் செய்து கொண்டார் என்பது குறிப்பிடத்தக்கது.

குறளரசனின் பிறந்தநாளுக்கு பலரும் டுவிட்டரில் வாழ்த்து தெரிவித்து வருகின்றனர்.