தல 60 படத்திற்காக மீண்டும் இணையும் அஜித் – வினோத் கூட்டணி: விரைவில் அதிகாரப்பூர்வ அறிவிப்பு!

நேர்கொண்ட பார்வை படத்தைத் தொடர்ந்து தல அஜித் தனது 60ஆவது படத்தில் யாருடைய இயக்கத்தில் நடிக்க இருக்கிறார் என்ற புதிய தகவல் வெளியாகியுள்ளது.

விஸ்வாசம் படத்தைத் தொடர்ந்து பாலிவுட் தயாரிப்பாளர் போனி கபூர் தயாரிப்பில் ஹெச்.வினோத் இயக்கத்தில் உருவாகி வரும் நேர்கொண்ட பார்வை படத்தில் தல அஜித் நடித்து வருகிறார். இப்படம் அஜித்தின் 59ஆவது படம் என்பது குறிப்பிடத்தக்கது. இப்படம் அமிதாப் பச்சன் நடிப்பில் வந்த பாலிவுட் படமான பிங்க் படத்தின் தமிழ் ரீமேக்கா உருவாகி வருகிறது.

Ajith Birthday: தல அஜித்துக்கு பிறந்தநாள் பரிசு கொடுக்கும் சன் டிவி: மே 1ல் விஸ்வாசம்!



இப்படத்தில் அஜித்துடன் இணைந்து வித்யா பாலன், ஷ்ரத்தா ஸ்ரீநாத், அபிராமி வெங்கடாச்சலம், ஆண்ட்ரியா தாரியங், ரங்கராஜ் பாண்டே, டெல்லி கணேஷ், ஆதிக் ரவிச்சந்திரன், அர்ஜூன் சிதம்பரம், அஸ்வின் ராவ், சுஜித் ஆகியோர் பலர் நடித்து வருகின்றனர். யுவன் சங்கர் ராஜா இப்படத்திற்கு இசையமைத்து வருகிறார். வரும் ஆகஸ்ட் 10ம் தேதி இப்படம் உலகம் முழுவதும் வெளியாகவுள்ளது என்பது குறிப்பிடத்தக்கது.

இந்த நிலையில், ஏற்கனவே அஜித்தின் 60ஆவது படத்தையும் தானே தயாரிக்க இருப்பதாக போனி கபூர் அறிவித்திருந்தார். அதோடு, 2020ம் ஆண்டு ஏப்ரல் 10ம் தேதி வெளியாகும் என்றும் குறிப்பிட்டிருந்தது. இந்த நிலையில், இப்படத்தை யார் இயக்க போகிறார்கள் என்ற புதிய தகவல் தற்போது வெளியாகியுள்ளது. அதன்படி, நேர்கொண்ட பார்வை படத்தை இயக்கி வரும் ஹெச்.வினோத் தல அஜித்தின் 60ஆவது படத்தையும் இயக்க விரும்பம் இருப்பதாக தெரிவித்துள்ளார். ஆனால், இது குறித்து அதிகாரப்பூர்வ அறிவிப்பு விரைவில் வெளிவரும் என்று எதிர்பார்க்கப்படுகிறது.

இப்படி, ஒரே ஆண்டில், 2ஆவது முறையாக அஜித் – வினோத் கூட்டணி உருவாக இருப்பது தல ரசிகர்களிடையே படத்தின் மீதான எதிர்பார்ப்பை அதிகப்படுத்தியுள்ளது. எனினும், இது குறித்து முறையான அறிவிப்பு அஜித்தின் பிறந்தநாளன்று வெளிவரும் என்று எதிர்பார்க்கப்படுகிறது.