Vikram: ஐ படத்திற்கு பிறகு மாஸ் காட்டிய விக்ரம்: கடாரம் கொண்டானை கொண்டாடிய ரசிகர்கள்!

தமிழ் சினிமாவில் சியான் என்றழைக்கப்படும் விக்ரம் முன்னணி நடிகர்களில் ஒருவராக திகழ்கிறார். இவருக்கு இணை வேறுமில்லை என்று சொல்லும் அளவிற்கு கதைக்கு ஏற்ப தனது உடல் எடையை கூட்டி, குறைத்து நடிக்கும் ஒரே நடிகர் இவரே. உதாரணமாக ஐ படத்தை சொல்லலாம். இயக்குனர் பாலா இயக்கத்தில் கடந்த 1999ம் ஆண்டு வந்த சேது படம் இவருக்கு வணீக ரீதியாக சூப்பர் டூப்பர் ஹிட் கொடுத்த படமாக அமைந்தது. ஆம், ரூ.4 கோடி வரை பாக்ஸ் ஆபிஸ் வசூல் கொடுத்தது.

கடாரம் கொண்டான் சினிமா விமர்சனம்!


இதே போன்று 2003ம் ஆண்டு வந்த பிதாமகன் படமும் ரசிகர்களிடையே நல்ல வரவேற்பு பெற்றது. பிலிம்பேர் விருது, தமிழ்நாடு மாநில விருது, தேசிய விருது போன்ற பல விருதுகளை அள்ளியது. அடுத்து ஷங்கர் இயக்கத்தில் ரூ.100 கோடி பட்ஜெட்டில் வந்த ஐ படம் வசூல் ரீதியாக ரூ.240 கோடி வரை வசூல் குவித்ததாக கூறப்படுகிறது. இப்படி பல மாஸ் படங்களை கொடுத்த விக்ரமிற்கு அடுத்து 10 எண்றதுக்குள்ள, இரு முகன், ஸ்கெட்ச் மற்றும் சாமி ஸ்கொயர் ஆகிய படங்கள் சறுக்கலை தந்தன.

Nomination List: 2019ம் ஆண்டிற்கான சைமா விருதுகள்: சிறந்த நடிகர் யார்? விஜய் அல்லது விஜய் சேதுபதி?


இந்த நிலையில், தான் இன்று உலகம் முழுவதும் வெளியாகியுள்ள ஆக்‌ஷன் த்ரில்லர் படமான கடாரம் கொண்டான் படத்திற்கு ரசிகர்களிடையே அமோக வரவேற்பு கிடைத்துள்ளது. இயக்குனர் ராஜேஷ் எம் செல்வா இயக்கத்தில் விக்ரம், அக்‌ஷரா ஹாசன், அபி ஹாசன் ஆகியோர் பலர் நடிப்பில் உருவாகியுள்ள இப்படம் இன்று உலகம் முழுவதும் வெளியாகியுள்ளது. மருத்துவமனைக்கு வரும் ஒரு குற்றவாளி, அங்கு வேலை பார்க்கும் டாக்டரின் மனைவியை கடத்தி, குற்றவாளியை வெளியே அழைத்துச் சென்று கொல்ல முயற்சிக்கும் ஒரு கும்பலுக்கும், அந்த குற்றவாளியை பிடிக்க துடிக்கும் போலீஸ்க்கும் இடையில் நடக்கும் கதை தான் இப்படம்.

Darbar: ரஜினியை மயக்கிய அஜித்தின் ஆஸ்தான இயக்குனர்!!


இதில், தனது வலுவான ஆக்‌ஷன் கலவையில், விக்ரம் மாஸ் காட்டி நடித்துள்ளார். ஆனால், தோற்றத்தைப் பார்த்தால் இரு முகன் படத்தில் இருப்பது போன்ற ஒரு தோற்றம் என்பது தெரிகிறது. அங்கங்க கொஞ்சம் சால்ட் அண்ட் பெப்பர் கலவை தான். அந்தப் படத்திலும் ரா ஏஜெண்ட், இதிலும் அப்படி தான் என்கிறது ரிப்போர்ட். ஆனால், கொஞ்சம் உடல் எடை தான் கூடியிருக்கு. ஆனால், இரு முகன் படத்தை விட இந்தப் படம் பக்கா மாஸ் தான். ரசிகர்களிடையே இப்படத்திற்கு செம வரவேற்பு என்றே கூறலாம்.

ஐ படத்திற்கு பிறகு 4 வருடங்கள் கழித்து விக்ரம் கொடுத்த ஹிட் படமாக கடாரம் கொண்டான் இருக்கும் என்று எதிர்பார்க்கப்படுகிறது.