குழந்தைகளுக்கு கல்வியை திணிப்பதால் ஏற்படும் பின்விளைவுகள்: ஜீனியஸ் படம்!

குழந்தைகளுக்கு கல்வியை திணிப்பதால் ஏற்படும் பின் விளைவுகளை மையமாக வைத்து புதிய படம் ஒன்று உருவாகவுள்ளது.

இயக்குனர் சுசீந்திரன் குழந்தைகளை வைத்து படம் இயக்குவதில், அதிக ஆர்வம் கொண்டவர். பல படங்களை குழந்தைகளை வைத்து இயக்கியுள்ளார். தற்போது ஏஞ்சலினா என்ற படத்தை இயக்கி வருகிறார். இப்படத்திற்கான இறுதிக்கட்ட படப்பிடிப்பு விறுவிறுப்பாக நடந்து வருகிறது. இப்படத்தில் காமெடி நடிகர் சூரியின் மகன் சர்வான் நடிக்கிறார். இப்படத்தைத் தொடர்ந்து மீண்டும் ஒரு குழந்தை படத்தை கையிலெடுத்துள்ளார் இயக்குனர்.

#Genius pic.twitter.com/HC4GMmyJty — Suseenthiran (@dir_susee) January 16, 2018 முற்றிலும் புதுமுக நடிகர்கள் நடிக்கும் இப்படத்தில் குழந்தைகளுக்கு கல்வியை திணிப்பதால் ஏற்படும் விளைவுகளை மையமாக வைத்து இப்படத்தை உருவாக்கவுள்ளார். இன்றைய சமுதயா சூழ்நிலையில், குழந்தைகளுக்கு கல்வியை திணிப்பதால், அவர்கள் எந்தளவிற்கு மன அழுத்தத்திற்கு ஆளாகின்றனர். அப்படி மன அழுத்தத்திற்கு ஆளான ஒருவன், அவனது மன நிலை, அவனது வாழ்க்கை என்று ஒரு கதாபாத்திரத்தை சுற்றிலும் நடக்கும் கதை தான் இப்படத்தின் மையக்கரு. இப்படத்திற்கு ஜீனியஸ் என்று டைட்டில் வைத்துள்ளார் என்பது குறிப்பிடத்தக்கது.