தலைவன் இருக்கிறான் படத்தில் கமலுக்கு ஜோடியான ரேவதி?

கமல் ஹாசன் நடிப்பில் கடைசியாக வெளியான படம் விஸ்வரூபம் 2. இப்படத்திற்குப் பிறகு எந்தப் படமும் வெளியாகவில்லை. ஆனால், சபாஷ் நாயுடு, தேவர் மகன் 2, இந்தியன் 2, தலைவன் இருக்கிறான் ஆகிய படங்கள் குறித்து அவ்வப்போது தகவல் வெளியாகி வருகிறது.

சூரி புது ஹோட்டலுக்கு விசிட் அடித்த மக்கள் செல்வன்!

இதில், சபாஷ் நாயுடு படம் என்ன ஆனது என்றே தெரியவில்லை. இதையடுத்து, தற்போது இந்தியன் 2 படத்தின் படப்பிடிப்பு பிஸியாகவே நடந்து வருகிறது. இந்த நிலையில், தலைவன் இருக்கிறான் படம் குறித்து புதிய தகவல் வெளியாகியுள்ளது. இதில், ரேவதி, கமல் ஹாசனுக்கு ஜோடியாக நடிக்க இருப்பதாக கூறப்படுகிறது. இதற்கு முன்னதாக, புன்னகை மன்னன், தேவர் மகன் உள்ளிட்ட படங்களில் இருவரும் இணைந்து நடித்துள்ளனர்.

கண்ணான கண்ணே... லாலாவின் க்யூட் விடியோவை வெளியிட்ட சாண்டி

லைகா நிறுவனம் தயாரிக்கும் இப்படத்திற்கு ஏ.ஆர்.ரஹ்மான் இசையமைக்கிறார். முக்கிய கதாபாத்திரத்தில் பாலிவுட் நடிகர்கள் அமீர் கான், சயீப் அலிகான் ஆகியோர் நடிக்க இருப்பதாகவும் கூறப்பட்டது. கமல் ஹாசன் இரட்டை வேடங்களில் நடிக்கிறார் என்றெல்லாம் கூறப்பட்டது. இவருடன் இணைந்து மோகன் லாலும் நடிக்கிறார் என்கிறது தகவல். இருவரும் இணைந்து தனி ஒருவன் படத்தில் நடித்துள்ளனர் என்பது குறிப்பிடத்தக்கது.

Indraja Shankar: குண்டம்மா என்று சொன்னதற்காக விஜய் மன்னிப்பு கேட்டார்: ரோபோ சங்கர் மகள்!

எனினும், தலைவன் இருக்கிறான் படத்தின் படப்பிடிப்பு இந்தியன் 2 படத்தின் படப்பிடிப்பு முடிந்த பின்னர் தொடங்கப்படும் என்று எதிர்பார்க்கப்படுகிறது. அடுத்த வருடம் கிறிஸ்துமஸ் பண்டிகையை முன்னிட்டு திரைக்கு வருவதற்கு வாய்ப்பிருப்பதாக கூறப்படுகிறது. நடிகை ரேவதி அம்மா கணக்கு, பவர் பாண்டி, குலேபகாவலி, கேணி, ஜாக்பாட் ஆகிய படங்களில் நடித்துள்ளார். தற்போது அழியாத கோலங்கள், எரியும் கண்ணாடி ஆகிய படங்களில் நடித்து வருகிறார்.