ஆப்நகரம்

டெல்லியில் அதிகரித்த காற்று மாசு: திணறும் தளபதி 64 படக்குழு

டெல்லியில் நடந்து வரும் தளபதி 64 படப்பிடிப்புக்கு பிரச்சனை ஏற்பட்டுள்ளது.

Samayam Tamil 4 Nov 2019, 3:48 pm
பிகில் படத்தை அடுத்து விஜய் லோகேஷ் கனகராஜ் இயக்கத்தில் தளபதி 64 படத்தில் நடித்து வருகிறார். இரண்டாம் கட்ட படப்பிடிப்பு டெல்லியில் நடந்து வருகிறது.
Samayam Tamil thalapathy 64


டெல்லியில் 40 நாட்கள் தொடர்ந்து படப்பிடிப்பை நடத்த திட்டமிட்டுள்ளார் லோகேஷ். இந்நிலையில் காற்று மாசு பிரச்சனையால் படப்பிடிப்பை திட்டமிட்டபடி நடத்த முடியாமல் உள்ளதாம்.

டெல்லியில் காற்று மாசு அதிகம் உள்ளதால் படப்பிடிப்பை துரிதமாக நடத்த முடியவில்லை. இதனால் தொடர்ந்து டெல்லியில் படப்பிடிப்பு நடக்குமா என்கிற கேள்வி எழுந்துள்ளது.

டெல்லி படப்பிடிப்பில் விஜய் கலந்து கொண்டுள்ளார். ஆனால் வில்லன் விஜய் சேதுபதி கலந்து கொள்ளவில்லை. அவர் இறுதி கட்ட படப்பிடிப்பில் கலந்து கொள்வாராம். விஜய்-விஜய் சேதுபதி பெரிய திரையில் மோதுவதை பார்க்க ரசிகர்கள் ஆவலாக உள்ளனர்.

விஜய்க்கு வெயிட்டான வில்லன் கிடைத்துள்ளார் என்கிறார்கள் ரசிகர்கள். கெரியரின் உச்சத்தில் இருக்கும் விஜய் சேதுபதி தொடர்ந்து வில்லன் கதாபாத்திரத்தில் நடிக்க ஆவல் காட்டி வருகிறார்.

விஜய் சேதுபதிக்கு பெருமை சேர்த்த ரசிகர்கள்: 41 ஆயிரம் பனை விதைகளை விதைத்து அசத்தல்!

தளபதி 64 படத்தில் விஜய்க்கு ஜோடியாக மாளவிகா மோகனன் நடிக்கிறார். சாந்தனு பாக்யராஜ், ஸ்ரீமன், ஸ்ரீநாத், சஞ்சீவ் உள்ளிட்டோர் முக்கிய கதாபாத்திரங்களில் நடிக்கிறார்கள்.

இதற்கிடையே பிகில் படத்தின் உண்மையான வசூல் நிலவரத்தை வெளியிடுமாறு விஜய் ரசிகர்கள் தயாரிப்பாளர் அர்ச்சனா கல்பாத்தியிடம் கோரிக்கை விடுத்துள்ளனர். பிகில் படம் வசூலில் சாதனை படைக்கிறது என்று ஒரு தரப்பு கூறினாலும், நஷ்டம் என்று மறு தரப்பு பேசி வருவதால் ரசிகர்கள் கலக்கத்தில் உள்ளனர்.

பிகில் வசூலை சொல்றீங்களா, இல்லையா?: தயாரிப்பாளரை கேள்வி மேல் கேள்வி கேட்கும் விஜய் ரசிகாஸ்

இந்நிலையில் தி ஒயிட் டைகர் நெட்பிளிக்ஸ் தொடருக்காக டெல்லியில் உள்ள பாலிவுட் நடிகை ப்ரியங்கா சோப்ரா கூட காற்று மாசு குறித்து கவலை தெரிவித்துள்ளார். மூச்சு விடவே கஷ்டமாக உள்ளதாக அவர் மேலும் கூறியுள்ளார் என்பது குறிப்பிடத்தக்கது.

அடுத்த செய்தி

டிரெண்டிங்