ஐஸ்வர்யா தத்தாவா இது? மிளிர் பட போஸ்டர் பார்த்து ரசிகர்கள் ஆச்சர்யம்

தமிழ் பிக் பாஸ் 2வது சீசனில் போட்டியாளராக கலந்துகொண்டவர் ஐஸ்வர்யா தத்தா. அதற்கு பிறகு அவர் பல படங்களில் ஒப்பந்தம் ஆனார். மஹத்துக்கு ஜோடியாக 'கெட்டவன்னு பேர் எடுத்த நல்லவன்டா', பெண்களுக்கு முக்கியத்துவம் தரும் "கன்னித்தீவு", பொல்லாத உலகத்தில் பயங்கர கேம் (PUBG) போன்ற படங்களில் ஒப்பந்தம் ஆனார் ஐஸ்வர்யா தத்தா.

இந்நிலையில் தற்போது அவர் நடித்துள்ள மிளிர் என்ற படத்தின் பர்ஸ்ட் லுக் போஸ்டர் வெளிவந்து ரசிகர்களை ஆச்சர்யப்படுத்தி உள்ளது.

முன்னணி இயக்குனராக பா.ரஞ்சித் தான் இந்த ஃபர்ஸ்ட் லுக் போஸ்ட்டரை ட்விட்டரில் வெளியிட்டு உள்ளார். அதில் ஐஸ்வர்யா அடையாளமே தெரியாத அளவுக்கு ஒரு வித்யாசமான தோற்றத்தில் இருக்கிறார். இந்த போஸ்டர் ட்விட்டரில் அதிக அளவில் வைரலாகி வருகிறது.


உண்மையிலேயே இது ஐஸ்வர்யா தானா என்று தான் ரசிகர்கள் ட்விட்டரில் கேள்வி எழுப்பி வருகின்றனர்.


நாகேந்திரன் என்பவர் இயக்கியுள்ள மிளிர் படத்தை சூர்யா தேவி என்பவர் தயாரித்துள்ளார். இது பற்றி ட்விட்டரில் நாகேந்திரன் பல கேள்விகளுக்கு பதில் அளித்துள்ளார்.

"இதாவது கமர்சியல்,இல்ல ஆக்சன் படமா இல்ல இதுவும் சாதிபடம் தானா?" என ட்விட்டரில் ஒருவர் கேட்டதற்கு, "பக்கா கமர்ஷியல்" என பதில் கூறியுள்ளார் இயக்குனர்.


தமிழுக்கு எண் ஒன்றை அழுத்தவும் படத்தின் மூலமாக தமிழ் சினிமாவில் ஹீரோயினாக அறிமுகம் ஆனவர் ஐஸ்வர்யா தத்தா. அதன் பிறகு சில படங்களில் சிறு சிறு ரோல்களில் தோன்றி வந்தார் அவர். பிக்பாஸ் நிகழ்ச்சியில் போட்டியாளராக கலந்து கொண்ட பிறகு அவரது புகழ் கூடிய நிலையில், அதற்கு பிறகு வரிசையாக பல படங்களில் ஒப்பந்தம் ஆனார் அவர்.

தற்போது கைவசம் நான்கைந்து படங்கள் வைத்திருந்தாலும் அனைத்தும் தயாரிப்பு நிலையிலேயே இருக்கின்றன. கன்னித்தீவு படத்தில் அவர் நான்கு ஹீரோயின்களில் ஒருவராக நடித்துள்ளார். வரலக்ஷ்மி சரத்குமார், சுபிக்ஷா, ஆஷ்னா சவேரி ஆகியோர் மற்ற மூன்று முக்கிய வேடத்தில் நடித்து வருகின்றனர். 2019ன் துவக்கத்திலேயே இதன் ஷூட்டிங் துவங்கிநடைபெற்றது. ஆனால் தற்போது வரை அது ரிலீஸ் ஆகாமல் தள்ளிப்போய் கொண்டு இருக்கிறது.

ஐஸ்வர்யாவின் மற்றொரு படமான PUBG படத்தில் மிக தைரியமாக நடித்துள்ள அவர், ஒரு காட்சியில் ஆடை இல்லாமலும் நடித்துள்ளார் என செய்தி வந்தது குறிப்பிடத்தக்கது.

தற்போது மிளிர் படத்தின் பர்ஸ்ட் லுக் போஸ்டரும் வெளிவந்து ரசிகர்ளை ஆச்சர்யப்படுத்தி உள்ளது.