தமிழில் அறிமுகமாகும் மலையாள நடிகை ஐஸ்வர்ய லட்சுமி!

மலையாள நடிகை ஐஸ்வர்ய லட்சுமி, தற்போது தமிழில் கதாநாயகியாக ஒரு படத்தில் அறிமுகமாகவுள்ளார்.

நடிகை ஐஸ்வர்ய லட்சுமி, ‘ஞண்டுகளுடே நாட்டில் ஓரிடவேள’ என்ற படத்தின் மூலம் மலையாள சினிமாவில் அறிமுகமானார். இந்தப் படத்தில் நிவின்பாலிக்கு ஜோடியாக நடித்துள்ளார் ஐஸ்வர்ய லட்சுமி. அந்தப்படத்தை தொடர்ந்து ‘மாயநதி’ படத்தில் நடித்தார் ஐஸ்வர்ய லட்சுமி.

ஐஸ்வர்ய லட்சுமி நடிப்பில் வெளியான இரண்டு படங்களும் வணிகரீதியாக வெற்றி பெற்றது. அடுத்தடுத்து இவரை தேடி வாய்ப்புகள் வந்த வண்ணம் உள்ளன.

தற்போது ஐஸ்வர்ய லட்சுமி, பஹத் பாசிலுக்கு ஜோடியாக ‘வரதன்’ படத்தில் நடித்துள்ளார். அத்துடன் நடிகர் காளிதாஸ் ஜெயராம் மற்றும் ஆசிப் அலியுடன் தலா ஒரு படத்தில் நடித்து வருகிறார்.

இந்த நிலையில் தமிழில் சுந்தர் .சி இயக்கவுள்ள ஒரு படத்தில் நடிகை ஐஸ்வர்ய லட்சுமி அறிமுகமாகிறார். நடிகர் விஷால் ஹீரோவாக நடிக்கும் இந்தப் படத்தில் நடிகை தமன்னாவுடன் இன்னொரு கதாநாயகியாக ஐஸ்வர்ய லட்சுமி நடிக்கவுள்ளார்.