Aishwarya Rai Bachchan: இன்று 45வது பிறந்தநாளை கொண்டாடும் முன்னாள் உலக அழகி ஐஸ்வர்யா ராய்

உலக அழகி பட்டம் பெற்று பல ஆண்டுகள் ஆகிவிட்டாலும், இன்றும் இந்தியர்களுக்கு உலகி அழகி என்றால் ஐஸ்வர்யா ராய் தான். 1994ம் ஆண்டு உலக அழகியாக தேர்வான நிலையில், அவர் திரைத்துறையில் 1997ம் ஆண்டு கால்பதித்தார்.

மணிரத்னம் இயக்கத்தில் வெளியான ‘இருவர்’ படத்தில் ஐஸ்வர்யா ராய் அறிமுகமானார். அதை தொடர்ந்து தமிழில் அவர் நடிக்க ஆர்வம் கொண்டாலும், இந்தி திரையுலகம் ஐஸ்வர்யா ராய்க்கு சிவப்பு கம்பள வரவேற்பை அளித்தது.

1999ம் ஆண்டு முதல் இந்தி படத்தில் நடித்த ஐஸ்வர்யா ராய், இன்றும் பாலிவுட் சினிமாவின் முன்னணி நடிகையாக இருந்து வருகிறார். நடிகர் அபிஷேக் பச்சனுடன் திருமணம் முடித்து குழந்தை ஆராத்யா பிறந்த பிறகு அவர் தான் இன்றும் பாலிவுட் சினிமாவில் கனவுக் கன்னி.

முன்னதாக, எந்தவித சமூகவலைதளங்களிலும் தன்னை இணைத்துக்கொள்ளாமல் இருந்தார். இந்நிலையில், கடந்த சில மாதங்களுக்கு முன்பு கேன்ஸ் திரைப்பட விழாவை ஒட்டி, அதற்காக இயற்றப்பட்ட ஒப்பந்தங்களின் அடிப்படையில் இன்ஸ்டாகிராமில் உறுப்பினரானார்.

இன்று 45வது பிறந்தநாளை கொண்டாடும் ஐஸ்வர்யா ராய் பச்சனுக்கு ரசிகர்கள், முக்கிய பிரபலங்கள் உட்பட பல தரப்பினர் அவருக்கு வாழ்த்துக்களை தெரிவித்து வருகின்றனர்.