மீண்டும் சல்மானுடன் நடிப்பதில் ஆட்சேபனையில்லை: ஐஸ்வர்யா ராய் அதிரடி

பாலிவுட்டில் மிகவும் பரபரப்பாக பேசப்பட்ட காதல் ஜோடிகளில் சல்மான் கான் மற்றும் ஐஸ்வர்யாராய் இருவரும் பிரபலமானவர்கள்.

முன்னாள் உலகழகியான ஐஸ்வர்யாராய் பாலிவுட்டில் நடிக்க துவங்கிய ஆரம்பக்கட்டத்தில் சல்மான் கானுடன் கிசுகிசுக்கப்பட்டு காதலில் விழுந்தார். இருவர் பற்றியும் பலவாறு சர்ச்சைகள் வெளியானபோதிலும் ஒன்றாக சுற்றிய நிலையில், சல்மானின் முரட்டுத் தனம் பிடிக்காமல் அவரைவிட்டு விலகிய ஐஸ்வர்யாராய் படங்களில் கவனம் செலுத்தினார்.


இவர்களது காதல் கதையும், காதல் முறிவும் பாலிவுட்டில் இன்றைக்கும் ஹாட் டாப்பிக்காக உள்ளதை மறுக்க முடியாது. கசப்பான காதல் அனுபவத்திற்கு பிறகு அபிஷேக் பச்சனை ஐஸ்வர்யா ராய் திருமணம் செய்துக் கொண்டார். இவர்களுக்கு ஆராதயா எனும் பெண் குழந்தை உள்ளது.

திருமணம், குழந்தை என குடும்ப பெண்ணாக இருந்த ஐஸ்வர்யாராய் சமீப காலமாக கதாப்பாத்திரத்துக்கு முக்கியத்துவம் வாய்ந்த படங்களை தேர்வு செய்து நடித்து வருகிறார். இந்நிலையில், சமீபத்திய இதழ் ஒன்றுக்கு பேட்டியளித்த ஐஸ், மீண்டும் சல்மான் கானுடன் இணைந்து நடிப்பதில் ஆட்சேபனை இல்லை. ஆனால், அதற்கேற்றவாறு கதையும், கதாப்பாத்திரமும் அமைய வேண்டும் என்ற கண்டிஷனுடன் மீண்டும் ஜோடி சேர்ந்து நடிக்க தயார் என கூறியுள்ளார்.


சல்மான் கான் தரப்பில் மீண்டும் ஐஸ்வர்யாராயுடன் இணைவதற்கான வாய்ப்பு துளியும் இல்லை என பேசப்படுகிறது. எனினும், தற்போது, கரண் ஜோகர் இயக்கத்தில் உருவாகியுள்ள 'ஏ தில் ஹே முஷ்கில்' படத்தில் ஐஸ்வர்யா நடித்துள்ளார். இப்படத்தின் புரமோஷனுக்காக சல்மான் கான் தொகுத்து வழங்கும் 'பிக் பாஸ்' நிகழ்ச்சியில் ஐஸ்வர்யா ராய் பங்கேற்பாரா என்று ரசிகர்கள் எதிர்ப்பார்த்து வருகின்றனர்.