மாஸ் நடிகர்
தமிழ் சினிமாவின் உச்ச நடிகர்களில் ஒருவர் நடிகர் அஜித். எந்த சினிமா பின்புலமும் இல்லாமல் சினிமாவில் அடியெடுத்து வைத்த அஜித் இன்று கோடிக்கணக்கான ரசிகர்களின் இதய துடிப்பாக உள்ளார். வசூலில் ஓபனிங் கிங் என அழைக்கப்பட்டு வரும் அஜித் நடிப்பில் கடந்த 11 ஆம் தேதி துணிவு திரைப்படம் வெளியானது. பொங்கல் பண்டிகையை முன்னிட்டு வெளியான இப்படம் வசூல் வேட்டையாடி வருகிறது. பாஸிட்டிவ் விமர்சனங்களுடன் வெளியாகியுள்ள இப்படத்தை கொண்டாடி வருகின்றனர் ரசிகர்கள்.
Nayanthara: குடும்பம் குழந்தைகள் என கோலாகலமாய் பொங்கல் கொண்டாடிய நயன்தாரா... கலக்கல் பிக்ஸ்!
குவியும் வசூல்
துணிவு திரைப்படம் இதுவரை 150 கோடி ரூபாய்க்கு மேல் வசூலித்துள்ளதாக கூறப்படுகிறது. பாஸிட்டிவ் விமர்சனம், வசூல் வேட்டை போன்ற காரணங்களால் நடிகர் அஜித்தும் துணிவு படக்குழுவினரும் செம்ம ஹேப்பியாக உள்ளனர். இந்நிலையில் நடிகர் அஜித்தின் அடுத்த படம் குறித்த தகவல் வெளியாகியுள்ளது. அதாவது நடிகர் அஜித் தனது 62வது படத்தில் நடிக்க ஆயத்தமாகி வருகிறார்.
Nayanthara: காதல் கணவருடன் தியேட்டரில் கலக்கலாய் படம் பார்த்த நயன்தாரா... வாரிசா? துணிவா?
ஏகே 62
ஏகே 62 என குறிப்பிடப்பட்டு வரும் இந்தப் படத்தை போடா போடி, நானும் ரவுடிதான், காத்து வாக்குல ரெண்டு காதல் உள்ளிட்ட படங்களை இயக்கிய இயக்குநரும் நடிகை நயன்தாராவின் கணவருமான விக்னேஷ் சிவன் இயக்கவுள்ளார் என்பது அனைவரும் அறிந்ததே. இதுதொடர்பான அதிகாரப்பூர்வ அறிவிப்பு கடந்த சில நாட்களுக்கு முன்பு வெளியானது. அஜித்தின் 62வது படத்தை முன்னணி தயாரிப்பு நிறுவனமான லைகா புரடெக்ஷன்ஸ் நிறுவனம் தயாரிக்கிறது.
Vijay: விஜய்கும் அவர் அப்பாவுக்கும் பிரச்சனை வர காரணமே இவர்தானா?
அஜித்துக்கு வில்லன்
இப்படத்திற்கு அனிருத் இசையமைக்கிறார். மேலும் ஏகே 62 படத்தில் அஜித்துக்கு வில்லனாக அரவிந்த் சாமி நடிக்கிறார் என்றும் தகவல் வெளியானது. மேலும் நடிகர் சந்தானம் ஏகே 62 படத்தில் முக்கிய கதாப்பாத்திரத்தில் நடிக்கவுள்ளார் என்றும் தகவல் வெளியானது. மேலும் ஏகே 62 படத்தில் ஹீரோயின் யார் என்பது குறித்தும் கடந்த சில நாட்களாக பல விதமான தகவல்கள் வெளியாகி வருகிறது. முதலில் ஏகே 62 படத்தில் நயன்தாரா நடிக்கவுள்ளதாக தகவல் வெளியானது. பின்னர் கால்ஷீட் பிரச்சனை காரணமாக நயன்தாராதான் நடிக்கவுள்ளார் என கூறப்பட்டது. ஆனால் கால்ஷீட் பிரச்சனையால் நயன்தாராவும் இல்லை என கூறப்பட்டது.
Bigg Boss Tamil 6: பிக்பாஸ் டைட்டில் வின்னர் இவரா?
ஐஸ்வர்யா ராய்
அதனை தொடர்ந்த ஏகே 62 படத்தில் நடிக்க நடிகை காஜல் அகர்வால் மற்றும் பாலிவுட் நடிகை ஹுமா குரேஷி ஆகியோரிடம் பேச்சு வார்த்தை நடத்தப்படுவதாக தகவல் வெளியானது. இந்நிலையில் ஏகே 62 படத்தில் நடிகர் அஜித்துக்கு ஜோடியாக பாலிவுட் நடிகையான ஐஸ்வர்யா ராய் நடிக்கவுள்ளதாக தகவல் வெளியாகியுள்ளது. ஆனால் இந்த தகவல் எந்த அளவுக்கு உண்மை என்பது குறித்த அதிகாரப்பூர்வ அறிவிப்பு எதுவும் இதுவரை வெளியாகவில்வை.
திருமண போட்டோக்கள் வெளியான நிலையில் கதறலுடன் வீடியோ வெளியிட்ட பிரபல நடிகை!
23 ஆண்டுகளுக்கு பிறகு
நடிகை ஐஸ்வர்யா ராய் கடந்த 2000 ஆம் ஆண்டு ராஜீவ் மேனன் இயக்கத்தில் வெளியான கண்டுகொண்டேன் கண்டுகொண்டேன் படத்தில் அஜித்துடன் இணைந்து பணியாற்றினார். ஆனால் அந்தப் படத்தில் அஜித்துக்கு ஜோடியாக நடிக்கவில்லை. அப்பாஸ் மற்றும் மம்மூட்டி ஆகியோருக்கு ஜோடியாக நடித்தார். இந்நிலையில் 23 ஆண்டுகளுக்கு பிறகு ஏகே 62 படத்தில் அஜித்துக்கு ஜோடியாக நடிக்க உள்ளதாக கூறப்படுகிறது. நடிகை ஐஸ்வர்யா ராய் இருவர் படத்தின் மூலம் தமிழ் சினிமாவில் அறிமுகமானார். தொடர்ந்து ஜீன்ஸ், கண்டுகொண்டேன் கண்டுகொண்டேன், எந்திரன், ராவணன், பொன்னியின் செல்வன் ஆகிய படங்களில் நடித்துள்ளார் என்பது குறிப்பிடத்தக்கது.