மீண்டும் இணையும் சூப்பர் ஜோடி; விஜய் சேதுபதி உடன் 5வது முறை நடிக்கும் பிரபல நடிகை!

தமிழ் சினிமாவில் முன்னணி நடிகர்களில் ஒருவராக விஜய் சேதுபதி விளங்குகிறார். இவர் நடித்து முடித்த பல படங்கள் ரிலீசுக்காக காத்து கிடக்கின்றன. தொடர்ச்சியாக பல்வேறு படங்களில் பிஸியாக நடித்துக் கொண்டிருக்கிறார்.

அவற்றில் லாபம், சயிர நரசிம்மரெட்டி, சங்கத்தமிழன் உள்ளிட்டவை அடங்கும். இந்நிலையில் மீண்டும் ஒரு படத்தில் விஜய் சேதுபதி ஒப்பந்தம் ஆகியுள்ளார். இதை அறிமுக இயக்குநர் விருமாண்டி இயக்குகிறார்.

கே.ஜே.ஆர்.ஸ்டுடியோஸ் நிறுவனம் தயாரிக்கிறது. இப்படத்தில் சிறப்புத் தோற்றத்தில் விஜய் சேதுபதி நடிப்பதாக கூறப்படுகிறது. அதேசமயம் இவருக்கு ஜோடியும் படத்தில் இருக்கிறார்.

அவர் பிரபல நடிகை ஐஸ்வர்யா ராஜேஷ் ஆவார். இவர் ஏற்கனவே விஜய் சேதுபதி உடன் இணைந்து, பண்ணையாரும் பத்மினியும், ரம்மி, தர்மதுரை, இடம்பொருள் ஏவல் ஆகிய படங்களில் நடித்துள்ளார்.

இதையடுத்து 5வது முறையாக தற்போது ஜோடி சேருவது குறிப்பிடத்தக்கது.