Aishwarya Rajinikanth: தந்தை ரஜினியுடன் ஹாயாக கிளம்பிய ஐஸ்வர்யா: கடுப்பில் தனுஷ் ரசிகர்கள்.!

தமிழ் சினிமாவின் முன்னணி நடிகரான தனுஷ் ஹாலிவுட், பாலிவுட் திரையுலகிலும் கலக்கி வருகிறார். இவரின் நடிப்பில் திருச்சிற்றம்பலம், நானே வருவேன், வாத்தி படங்கள் உருவாகியுள்ளன. இந்நிலையில் இன்று பிறந்தநாள் கொண்டாடும் நடிகர் தனுஷுக்கு திரையுலக பிரபலங்கள் வாழ்த்து தெரிவித்து வருகின்றனர்.

நடிகர் தனுஷ் ஐஸ்வர்யா ரஜினிகாந்தை காதலித்து திருமணம் செய்து கொண்டார். 18 ஆண்டுகள் சேர்ந்து வாழ்ந்த இந்த தம்பதிக்கு இரண்டு மகன்கள் உள்ளனர். இந்த ஆண்டு ஜனவரி மாதம் இவர்கள் தாங்கள் பிரிய போவதாக அறிவித்தது ரசிகர்கள் மத்தியில் பேரதிர்ச்சியை அளித்தது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இந்திய சினிமாவில் பிரபல நடிகராக திகழும் ரஜினிகாந்தின் மூத்த மகள் ஐஸ்வர்யாவுக்கும், நடிகர் தனுஷுக்கும் கடந்த 2004ஆம் ஆண்டு திருமணம் நடைபெற்றது. இவர்களுக்கு யாத்ரா, லிங்கா என்ற இரண்டு மகன்கள் உள்ளனர். இந்நிலையில் இவர்கள் இருவரும் தங்களின் 18 ஆண்டு கால திருமண வாழ்க்கை முடிவுக்கு வருவதாக அண்மையில் அறிவித்தது கோலிவுட் வட்டாரத்தில் பெரும் பரபரப்பை கிளப்பியது.

இவர்களின் விவாகரத்து அறிவிப்பை தொடர்ந்து தனுஷ், ஐஸ்வர்யாவை சேர்த்து வைக்க இரண்டு குடும்பத்தினரும் பல முயற்சிகளில் இறங்கியதாக செய்திகள் வெளியானது. இந்நிலையில் இன்று பிறந்தநாள் கொண்டாடும் தனுஷுக்கு, ஐஸ்வர்யா வாழ்த்து தெரிவிப்பார் என்று எதிர்பார்க்கப்பட்டது. ஆனால் காலையில் இருந்து ஐஸ்வர்யா ரஜினிகாந்த் தரப்பில் இருந்து தனுஷுக்கு எந்தவொரு வாழ்த்தும் வரவில்லை.

உட்காரவே முடியல.. துணிக்கடைக்கே போங்க: லெஜண்ட் படத்தை பங்கம் பண்ணிய கூல் சுரேஷ்.!

இந்நிலையில் ஐஸ்வர்யா ட்விட்டர் பக்கத்தில் தனது தந்தை ரஜினிகாந்துடன் செஸ் ஒலிம்பியாட் போட்டிக்கு செல்வதாக பதிவிட்டுள்ளார். இதனை பார்த்த தனுஷ் ரசிகர்கள் ஒரு வாழ்த்து சொல்லிருக்கலாமே என கடுப்புடன் கமெண்ட் அடித்து வருகின்றனர். ஆனாலும் சிலர் சர்ச்சைகளை தவிர்க்கவே ஐஸ்வர்யா தனுஷுக்கு பிறந்தநாள் வாழ்த்து தெரிவிக்கவில்லை என பதிலடி கொடுத்து வருகின்றனர்.