சிம்பு மீது கடும் கோபத்தில் அஜித் ரசிகர்கள்!

நடிகர் சிம்பு சமீபத்தில் அளித்த பேட்டியின் காரணமாக, அஜித் ரசிகர்கள் அவர் மீது கடும் கோபத்தில் உள்ளதாக செய்தி வெளியாகியுள்ளது.

தல அஜித்தின் ரசிகர் என சொல்லிக்கொள்ளும் நடிகர் சிம்பு அளித்துள்ள பேட்டி அஜித் ரசிகர்களிடையே கடும் கோபத்தை ஏற்படுத்தியுள்ளது. இவர் சமீபத்தில் அளித்த பேட்டியில், தோற்றுப்போன அஜித்தின் கட் அவுட்டை வைத்துக்கொண்டு தல என கத்தியவன் நான், தற்போது அவர் வளர்ந்துவிட்டார். இனி அவரை பற்றி பேசமாட்டேன் என்று கூறியுள்ளார்.

கடின உழைப்பின் காரணமாக எனக்கென்று ரசிகர் கூட்டத்தை வைத்துள்ளேன். ஆனால் அஜித்தின் புகழை நான் பயன்படுத்திக்கொள்வதாக சிலர் கூறுகிறார்கள். அப்படி நினைப்பது குறித்து எனக்கு கவலை இல்லை என்றும் சிம்பு கூறியிருக்கிறார். சிம்புவின் இந்த பேச்சு அஜித் ரசிகர்களிடையே கோபத்தை ஏற்படுத்தியுள்ளது.

சிம்பு நடிப்பில் அன்பானவன் அசராதவன் அடங்காதவன் திரைப்படம் விரைவில் வெளியாக இருப்பது குறிப்பிடத்தக்கது.