அஜீத் பெயரை களங்கப்படுத்திய பிரபல வார இதழ் மீது ரசிகர்கள் கோபம்!

பிரபல வார இதழின் அட்டைப் படத்தில் அஜீத் புகைப்படத்தைப் போட்டு அசிங்கப்படுத்தியுள்ளதை கண்டித்து அந்த இதழ் மீது ரசிகர்கள் கோபத்தில் உள்ளனர்.

நடிகர் அஜீத் கோலிவுட்டின் மாஸ் நடிகராக இருந்து வருகிறார். அவருக்கு உயிரை தரக்கூடிய அளவிற்கு ரசிகர்கள் இருக்கிறார்கள் என்பது சொல்லி தெரிய வேண்டியதில்லை. அவர் நடித்த படம் தியேட்டர்களில் வெளியானால் அந்த இடமே திருவிழா போல் காட்சியளிக்கும்.

இந்நிலையில் சமீபத்தில் நடந்த காவிரி போராட்டத்தில் பல முன்னணி நடிகர்கள் கலந்துகொண்ட நிலையில் அஜீத் அதில் கலந்து கொள்ளவில்லை. அதை குறிப்பிட்டு ஒரு பிரபல வாரஇதழ் அட்டைப்படத்தில் அஜீத் புகைப்படத்தை போட்டு “தமிழ் உணர்வு இல்லையா? தடுமாறும் தல ரசிகர்கள்” என விமர்சித்துள்ளது. இப்படி செய்த அந்த வார இதழின் மீது அஜீத் ரசிகர்களுக்கு கோபத்தை ஏற்படுத்தியுள்ளது.