தலையில் விசுவாசத்தைக் காட்டிய ‘தல’ ரசிகர்கள்!

அஜீத்துக்கு விசுவாசத்தை ‘தல’ ரசிகர்கள் தலையில் காட்டியுள்ளனர்.

நடிகர் அஜீத்தும், இயக்குனர் சிவாவும் நான்காவது முறையாக இணையவுள்ளார்கள். இந்தப் படம் அஜீத்தின் 58வது படமாகும். இந்தப் படத்திற்கு ‘விசுவாசம்‘ என்ற தலைப்பை வைத்துள்ள படக்குழு. இந்தப் படத்தின் தலைப்பை அறிவித்த நேரத்தில் இருந்தே ரசிகர்கள் ‘தல’ அஜீத்துக்கு தங்களிடம் உள்ள அன்பை வெளிப்படுத்தி வருகின்றனர்.

அஜீத் படத்தின் டைட்டில் படப்பிடிப்பு ஆரம்பிக்கும் முன்பே வெளியாவது இப்போதைக்கு நடந்திராக நிகழ்வு என்பதால் ரசிகர்களுக்கு தலைகால் புரியவில்லை ‘விசுவாசம்‘ பட டைட்டிலை பைக்குகளில் எழுதுவது மட்டுமின்றி போஸ்டர், பேனர் என தூள் கிளப்பி வரும் ‘தல’ ரசிகர்கள் இன்னும் ஒரு படி மேலே போய், தலையில் உள்ள ஹேர்ஸ்டைலில் ‘விசுவாசம்‘ படத்தின் பெயரை எழுதியுள்ளனர். இந்த விசுவாச ஸ்டைல் ஹேர்ஸ்டைல் படுவேகமாக வைரலாகி வருகிறது. அஜீத்தின் ரசிகர்கள் மட்டுமின்றி ரசிகைகளும் ‘விசுவாசம்‘ படத்தின் டைட்டிலை பலவிதங்களில் கொண்டாடி வருகின்றனர்.