ஷங்கரின் ‘முதல்வன் 2’வில் அஜித் நடிக்கிறாரா?

ஷங்கர் இயக்கத்தில் ‘முதல்வன் 2’ படத்தில் அஜித் நடிக்க இருப்பதாக தகவல்கள் வெளியாகியுள்ளது.

‘விவேகம்’ படத்தை அடுத்து அஜீத்தை வைத்து இயக்க பலரும் போட்டி போட்டு வருகின்றனர். தற்போது அஜித் ஆபரேஷன் செய்து கொண்டு வீட்டில் ஓய்வில் இருக்கிறார். தனது அடுத்த படத்திலும் இயக்குனர்கள் விஷ்ணுவர்தன் மற்றும் சிவா இருவரில் ஒருவரது படத்தில் அஜித் நடிப்பார் என்று என்று கூறப்பட்டு வந்தது.

இந்நிலையில் இயக்குனர் ஷங்கர் ‘முதல்வன் 2’ படத்தை இயக்க இருப்பதாகவும், அதற்காக அஜித்தை சந்தித்து கதை கூறியுள்ளதாகவும், படத்தை, ஏ.எம்.ரத்னம் தயாரிக்க உள்ளார் என்றும் செய்திகள் நேற்று வெளியானது.

ஆனால், இதுக்குறித்து விசாரித்தபோது, ‘‘அஜித் தற்போது முழு ஓய்வில் இருப்பதாகவும், இயக்குனர் ஷங்கர் ‘2.0’ படத்தின் இறுதிக்கட்ட பணியில் பிஸியாக இருப்பதாகவும், இவர்கள் சந்திக்க இப்போதைக்கு வாய்ப்பே இல்லை என்றும் தெரிகிறது. அப்படியே அது உண்மை என்றால் கூட அதன் அதிகாரப்பூர்வ தகவல் வெளியாக நாம் ஜனவரி வரை காத்திருக்க வேண்டுமாம்.

அதுவரைக்கும் அஜித் ரசிகர்கள் பொறுமை காப்பார்களா? என்ற கேள்வி எழுந்துள்ள நிலையில், சினிமா வட்டாரங்களில் உள்ள பலர் தங்களது சமூக வலைதள பக்கத்தில் இது உண்மைதான் என பதிவிட்டு வருகின்றனர்.

Ajith in director shankar’s next film