'வலிமை' படத்திற்கு குவிந்த நெகட்டிவ் விமர்சனம்: 'ஏகே 61' படத்தில் நிகழும் அதிரடி மாற்றம்..!

நடிகர் அஜித், எச்.வினோத், போனி கபூர் கூட்டணியில் கடந்த 2019 ஆம் ஆண்டு வெளியான நேர்கொண்ட பார்வை படம் மாபெரும் வரவேற்பை பெற்றது. அதனை தொடர்ந்து இரண்டாவது முறையாக கிட்டத்தட்ட மூன்றாண்டுகள் கழித்து அதே கூட்டணியில் கடந்த பிப்ரவரி மாதம் 'வலிமை' படம் வெளியானது.

கடந்த பிப்ரவரி மாதம் வெளியான 'வலிமை' படம் வசூலில் சக்கை போடு போட்டாலும், ரசிகர்களின் எதிர்பார்ப்பினை முழுவதுமாக பூர்த்தி செய்யவில்லை. மேலும் இந்தப்படத்தில் அஜித்தின் லுக் மிக மோசமாக விமர்சிக்கப்பட்டது. வலிமையை தொடர்ந்து ‘ஏகே 61’ படத்தில் மூன்றாவது முறையாக வினோத், போனி கபூர், அஜித் மூவரும் இணைய உள்ளனர்.

'ஏகே 61' படத்திற்காக அஜித் ஏற்றுள்ள புதிய கெட்டப்பில் இருக்கும் புகைப்படங்கள் அண்மையில் வெளியாகி இணையத்தில் தீயாக பரவியது. 'வலிமை' படத்தில் ட்ரோல் செய்யப்பட்ட அஜித்தின் லுக் பற்றிய விமர்சனத்தை எல்லாம் அடித்து நொறுக்கும்படி புகைப்படங்கள் வெளியானது.

தளபதியின் 'பீஸ்ட்' ஓவர்: 'தலைவர் 169' படத்திற்காக தீயா வேலை செய்யும் நெல்சன்..!
இந்நிலையில் இப்படம் குறித்த லேட்டஸ்ட் தகவல் ஒன்று வெளியாகியுள்ளது. அதாவது இந்த பிரபல கூட்டணியோடு ஸ்டண்ட் மாஸ்டர் சுப்ரீம் சுந்தர் இணைத்துள்ளதாக தகவல்கள் வெளியாகியுள்ளது. இவர் கோலி சோடா போன்ற படங்களில் பணியாற்றியவர். 'வலிமை' படத்தில் சிறப்பான சண்டை காட்சிகள் தந்த திலீப் சுப்பராயன் 'ஏகே 61'படத்தில் இல்லாததது ரசிகர்களுக்கு ஏமாற்றத்தை அளித்துள்ளது.

ஏற்கனவே 'ஏகே 61' படத்தில் யுவனுக்கு பதிலாக ஜிப்ரான் இசையமைப்பாளராக 'ஏகே 61' படத்தில் ஒப்பந்தம் செய்யப்பட்டதாக தகவல்கள் வெளியானது. இந்நிலையில் ஸ்டண்ட் மாஸ்டர் திலீப் சுப்பராயனும் மாற்றப்பட்டுள்ளது குறிப்பிடத்தக்கது. 'வலிமை' படத்திற்கு குவிந்த நெகட்டிவ் விமர்சனங்களால் இந்த மாற்றம் நிகழ்ந்து வருவதாக கூறப்படுகிறது.