பூஜை போட்டாச்சு... அஜித் பிறந்தநாளுக்கு சம்பவம் செய்ய தயாராகும் ‘ஏகே 61’ படக்குழு..!

நடிகர் அஜித், எச்.வினோத், போனி கபூர் கூட்டணியில் கடந்த 2019 ஆம் ஆண்டு வெளியான நேர்கொண்ட பார்வை படம் மாபெரும் வரவேற்பை பெற்றது. அதனை தொடர்ந்து இரண்டாவது முறையாக கிட்டத்தட்ட மூன்றாண்டுகள் கழித்து அதே கூட்டணியில் கடந்த பிப்ரவரி மாதம் 'வலிமை' படம் வெளியானது.

கடந்த பிப்ரவரி மாதம் வெளியான 'வலிமை' படம் வசூலில் சக்கை போடு போட்டாலும், ரசிகர்களின் எதிர்பார்ப்பினை முழுவதுமாக பூர்த்தி செய்யவில்லை. மேலும் இந்தப்படத்தில் அஜித்தின் லுக் மிக மோசமாக விமர்சிக்கப்பட்டது. வலிமையை தொடர்ந்து ‘ஏகே 61’ படத்தில் மூன்றாவது முறையாக வினோத், போனி கபூர், அஜித் மூவரும் இணைய உள்ளனர்.

'ஏகே 61' படத்திற்காக அஜித் ஏற்றுள்ள புதிய கெட்டப்பில் இருக்கும் புகைப்படங்கள் அண்மையில் வெளியாகி இணையத்தில் தீயாக பரவியது. 'வலிமை' படத்தில் ட்ரோல் செய்யப்பட்ட அஜித்தின் லுக் பற்றிய விமர்சனத்தை எல்லாம் அடித்து நொறுக்கும்படி புகைப்படங்கள் வெளியானது.
தனுஷுக்கு மிகவும் பிடித்த 'அவரை' சந்தித்த ஐஸ்வர்யா: வைரலாகும் போட்டோஸ்..!
இந்நிலையில் 'ஏகே 61' படத்தின் படப்பிடிப்பு ஹைதராபாத்தில் உள்ள ராமோஜிராவ் ஃபிலிம் சிட்டியில் நேற்றைய தினம் பூஜையுடன் துவங்கியுள்ளது. மேலும் தீபாவளி ரிலீசாக படத்தை வெளியிட படக்குழுவினர் திட்டமிட்டுள்ளதாகவும் கூறப்படுகிறது. வங்கி கொள்ளையை சுற்றி இந்தப்படத்தின் திரைக்கதை அமைக்கப்பட்டுள்ளதாகவும் தகவல்கள் வெளியாகியுள்ளன.

மேலும் 'ஏகே 61' படத்தின் பர்ஸ்ட் லுக் போஸ்டர் மற்றும் படத்தின் டைட்டில் அஜித் பிறந்தநாளான வரும் மே 1 ஆம் தேதி வெளியாகும் என்றும் தகவல்கள் வெளியாகியுள்ளது. இந்த படத்தை தொடர்ந்து அஜித் நடிப்பில் லைகா நிறுவனம் தயாரிக்கவுள்ள ‘ஏகே 62’ படத்தை விக்னேஷ் சிவன் இயக்கவுள்ளார். அனிருத் இசையமைக்கவுள்ள இதன் படப்பிடிப்பு இந்த வருட இறுதியில் துவங்கும் என படக்குழுவினர் தெரிவித்துள்ளது குறிப்பிடத்தக்கது.