Ajith Viswasam Intro Scene: சால்ட் அண்ட் பெப்பர் லுக்கில் கெத்து காட்டும் அஜித் - விஸ்வாசம் அறிமுக காட்சி

விஸ்வாசம் படத்தில் அஜித்தின் அறிமுக காட்சி மாஸ் கிளப்பி இருக்கிறது. படத்தில் அஜித்துக்கு இரண்டு முக்கிய அறிமுக காட்சி உள்ளது.

அஜித் நடிப்பில் உருவாகியுள்ள விஸ்வாசம் படம் பொங்கல் பண்டிகையை முன்னிட்டு இன்று உலகம் முழுவதும் வெளியாகியுள்ளது. இந்த படத்தில் நயன்தாரா கதாநாயகியாகவும் விவேக், ரவி அவானா, தம்பி ராமையா, ரோபோ சங்கர், யோகி பாபு, போஸ் வெங்கட், ரமேஷ் திலக் ஆகியோர் முக்கியக் கதாபாத்திரங்களில் நடித்துள்ளனர்.

இந்த திரைப்படத்தில் அஜித்தின் அறிமுக காட்சி மாஸ் கிளப்பி உள்ளது. வீரம் , வேதாளம், விவேகம் ஆகிய படங்களைவிட இந்த படத்தில் வரும் அறிமுக காட்சி அனைவரையும் கவர்ந்துள்ளது என்று ரசிகர்கள் தெரிவித்துள்ளனர். இதற்கு முன்பாகவே அஜித்தின் அறிமுக காட்சி செம மாஸாக இருக்கும் என்று படத்தின் ஒளிப்பதிவாளர் தெரிவித்திருந்தார்.

முதல் அறிமுக காட்சியில் கடும் மழையில் வெள்ளை வேட்டி சட்டை , வெள்ளை தாடியுடன் இருக்கும் அஜித், எதிரிகளை அடித்து துவைக்கிறார். இந்த அறிமுக காட்சியில் அஜித் மிக கெத்தாக காட்சியளிக்கிறார்.

இரண்டாவது அறிமுக காட்சி ஆரஞ்சு நிற சட்டை , அடர்த்தியான கருப்பு தாடி, கூலிங் கிளாஸ் மற்றும் அஜித்தின் வெட்கம் கலந்த சிரிப்புடன் கதாநாயகி நயன்தராவை பார்க்கிறார் . அவரை சுற்றி வயலும் , பசுமையான பின்னணியும் அமைந்துள்ளது. இந்த காட்சியில் அஜித்தை பார்க்கும் அனைத்து பெண்களும் அவரை காதலிக்காமல் தப்பிப்பது கடினம்தான்.