அமர்களமாக தொடங்கி 16வது ஆண்டில் ஜொலிக்கும் அஜித்-ஷாலினி காதல்

சென்னை: கோலிவுட்டின் சிறந்த காதல் தம்பதிகளான அஜித்-ஷாலினி ஜோடி, தங்களது 16வது திருமண நாளை கொண்டாடுகின்றனர்.

தமிழ் சினிமாவில் காதல் திருமணம் செய்துக் கொண்ட நடிகர் , நடிகைகளில் இன்றளவும் சிறந்த காதல் ஜோடியாக திகழும் அஜித்-ஷாலினி இருவரும் கடந்த 2000வது ஆண்டு ஏப்ரல் 24ஆம் தேதி திருமணம் செய்துக் கொண்டனர்.

மிகவும் பிரபலமான இவர்களின் காதல் கதை 1999ஆம் ஆண்டு வெளியான 'அமர்க்களம்' படத்தில் ஜோராக ஆரம்பித்தது. குழந்தை நட்சத்திரமாக தமிழ், மலையாளம் என கலக்கிய ஷாலினி, திருமணத்திற்கு பின்னர் திரையுலக வாழ்க்கையை துறந்த ஷாலினி, தனது காதல் கணவர் அஜித், வாழ்வில் சந்தித்த தோல்வியிலும், வெற்றியிலும், கைக்கோர்த்து 16 வருட திருமண வாழ்க்கையில் ஜொலித்து வருகிறார்.

இவர்களின் காதல் வாழ்க்கைக்கு அடையாளமாக அனுஷ்கா, ஆத்விக் என இரு குழந்தைகள் உள்ளனர்.