அஜித் மகன் ‘குட்டி தல’ ஆத்விக்கின் முதல் பிறந்த நாள் இன்று!

‘தல’ அஜீத்தின் மகன் ‘குட்டி தல’யின் முதல் பிறந்தநாளை ரசிகர்கள் கொண்டாடி வருகின்றனர்.

அஜித், ஷாலினிக்கு திருமணமாகி பிறந்த முதல் குழந்தை அனோஷ்கா. அதன்பிறகு கடந்த வருடம் மார்ச் 2ம் தேதி அஜீத், ஷாலினி தம்பதியினருக்கு ஒரு ஆண் குழந்தை பிறந்தது. அந்தக் குழந்தை பிறந்தாது முதல் அஜித்தின் ரசிகர்கள் குட்டி தல என்று பெயரிட்டு அழைக்கத் தொடங்கினர். இதையடுத்து, அஜித் தனது மகனுக்கு ஆத்விக் என்று பெயரிட்டார்.

இன்று ஆத்விக்கு முதல் பிறந்தநாள். அஜித் ரசிகர்கள் சமூக வலைதளங்களில் வாழ்த்துக்களை தெரிவித்து வருகின்றனர். மேலும், சாலைகளில் போஸ்டர்கள், கட்அவுட்கள் மற்றும் வினயல் போர்ட் வைத்து தங்களது பிறந்தநாள் வாழ்த்துக்களை ஆத்விக்கு சொல்லி வருகின்றனர். தங்களின் ‘தல’ வாரிசின் பிறந்த நாளை கோலாகலமாக கொண்டாடி வருகின்றனர் ‘தல’ ரசிகர்கள். மேலும், கோவில்களில் சிறப்பு வழிபாடு நடத்தியும், பொதுமக்களுக்கு இனிப்புகள் வழங்கியும் வருகின்றனர்.

மதுரையில், அஜித் மகன் ஆத்விக்கின் பிறந்தநாள் போஸ்டர்களை ஒட்டி ரசிகர்கள், இன்று பட்டாசு வெடித்து, பொதுமக்களுக்கு இனிப்புகள் வழங்கி கொண்டாடுவதுடன், முதியவர்களுக்கு பிரியாணியும் வழங்குகிறார்கள். அஜித்தின் படம் ரிலீஸ் ஆகும்போது பால் அபிஷேகம் செய்யும் ரசிகர்கள் தற்போது அவரது வாரிசின் பிறந்தநாளை கொண்டாடும் விதத்தைப் பார்த்து கோலிவுட்டே பிரமிப்பில் உள்ளது.