நாளை வெளியாகிறது ‘விஸ்வாசம்’ படத்தின் செகண்ட் லுக் போஸ்டர்!!

நடிகர் அஜித்குமார் நடிப்பில் உருவாகி உள்ள ‘விஸ்வாசம்’ படத்தின், இரண்டாவது போஸ்டர் நாளை வெளியாக உள்ளதாக தெரிவிக்கப்பட்டுள்ளது.

வீரம், விவேகம், வேதாளம் உள்ளிட்ட படங்களைத் தொடர்ந்து, நடிகர் அஜித் நான்காவது முறையாக இயக்குநர் சிவாவுடன் இணைந்திருக்கும் திரைப்படம் ‘விஸ்வாசம்’. இதில், அஜித்துக்கு ஜோடியாக நடிகை நயன்தாரா நடித்து வருகிறார். மேலும், யோகிபாபு, ரோபோ சங்கர் மற்றும் தம்பி ராமையா உள்ளிட்ட நடிகர்களும் இப்படத்தில் நடிக்கின்றனர்.

சத்ய ஜோதி பிலிம்ஸ் தயாரிக்கும் இப்படத்திற்கு, இசையமைப்பாளர் டி.இமான் இசையமைக்கிறார். வரும் பொங்கலன்று வெளியாகும் இப்படத்தின் பர்ஸ்ட் லுக் போஸ்டர் கடந்த சில வாரங்களுக்கு முன் வெளியாகி ரசிகர்கள் மத்தியில் நல்ல வரவேற்பைப் பெற்றது.

இதைத்தொடர்ந்து, இப்படத்தின் இரண்டாவது போஸ்டர், வியாழக்கிழமை காலை 10.30 மணிக்கு வெளியிடப்படுவதாக தகவல் வெளியாகி உள்ளது. இதனால், அஜித் ரசிகர்கள் மிகுந்த உற்சாகத்தில் உள்ளனர்.