பிரம்மாண்ட இயக்குனர் ஷங்கர் படத்தில் அஜித்?

சென்னை: பிரம்மாண்ட இயக்குனர் ஷங்கர் இயக்கத்தில் தல அஜித் நடிக்கவுள்ளதாக கோலிவுட் வட்டாரங்கள் தகவல் தெரிவிக்கின்றன.

'எந்திரன்' பட இயக்குனர் ஷங்கர் ஆக்ஷன் சார்ந்த கதையை தயார் செய்து வைத்திருப்பதாகவும், அந்தப் படத்தில் நடிகர் தல அஜித்தை நடிக்க வைக்கவிருப்பதாகவும் தகவல்கள் வெளியாகியுள்ளன.

இது தொடர்பாக ஏற்கனவே அஜித்திடம் பேச்சுவார்த்தை நடத்தப்பட்டதாக கூறப்படுகிறது. இதேநேரம், இயக்குனர் சிறுத்தை சிவா இயக்கி வரும் 'தல 57' படப்பிடிப்பில் அஜித் பிசியாக நடித்து வருகிறார்.

இயக்குனர் ஷங்கரும் சூப்பர்ஸ்டார் ரஜினிகாந்த், அக்ஷய்குமார் இணைந்து நடிக்கும் 'எந்திரன் 2' படத்தின் படப்பிடிப்பில் பிசியாக உள்ளார். எனினும், அஜித்-ஷங்கர் கூட்டணியில் உருவாகவிருக்கும் படம் குறித்து எவ்வித அதிகாரப்பூர்வ தகவலும் வெளியாகவில்லை.