Viswasam USA Box Office Collection: அமெரிக்காவில் அனல் பறக்கும் விஸ்வாசம் பாக்ஸ் ஆஃபிஸ் வசூல்..!!

அஜித் நடிப்பில் வெளிவந்துள்ள விஸ்வாசம் திரைப்படம் அமெரிக்காவிலுள்ள ரசிகர்கள் மத்தியில் நல்ல வரவேற்பை பதிவு செய்துள்ளது. தற்போது இந்த படத்தின் அமெரிக்க பாக்ஸ் ஆஃபிஸ் வசூல் குறித்த விவரங்கள் வெளிவந்துள்ளன.

’சிறுத்தை’ சிவா மற்றும் அஜித் கூட்டணியில் நான்காவது படமாக வெளிவந்துள்ளது விஸ்வாசம். இதில் நயன்தாரா, தம்பி ராமையா, ரோபோ ஷங்கர், யோகி பாபு, ஜெகபதி பாபு, பேபி அனிகா, ரமேஷ் திலக், நாராயண் லக்கி, விஜய், விவேக் ஆகியோர் பலர் நடித்துள்ளனர்.

குடும்பக் கதையை மையப்படுத்திய இப்படம் பொங்கல் பண்டிகையை முன்னிட்டு இன்று உலகம் முழுவதும் வெளியாகியுள்ளது. சென்னையில் ஒரு சில திரையரங்களில் அதிகாலை 1 மணிக்கு படம் திரையிடப்பட்டுள்ளது என்பது குறிப்பிடத்தக்கது.

இந்நிலையில் அமெரிக்காவில் இப்படம் மொத்தம் 97 இடங்களில் வெளியாகியுள்ளது. அதன்படி விஸ்வாசம் 57,195 டாலர்களை முதல்நாள் வசூலாக பதிவு செய்துள்ளதாக கூறப்படுகிறது. இதன் இந்திய மதிப்பு ரூ. 40.29 லட்சம்.

எனினும், இந்த வார முடிவில் விஸ்வாசம் படத்தில் வசூல் அதிகரிக்கும் என்றும் படக்குழு நம்பிக்கை தெரிவித்துள்ளனர். சென்னையில் படத்தின் இசையமைப்பாளர் டி. இமான், இயக்குநர் சிறுத்தை சிவா மற்றும் தயாரிப்பாளர் ஆகியோர் சந்தித்து கொண்டனர். அவர்களுக்கு படத்தை விநியோகஸ்தர்களும் ரசிகர்களும் மாலை அணிவித்து மரியாதை செலுத்தினர்.