அஜித்தின் “சர்வைவா” முழுப்பாடல் வெளியீடு!

அஜித் நடித்துள்ள விவேகம் படத்தின் “சர்வைவா” முழுப்பாடலும் வெளியாகியுள்ளது.

சிறுத்தை சிவா இயக்கத்தில், அஜித் நடிப்பில் மிகவும் பிரம்மாணடமாக உருவாகியுள்ள திரைப்படம் விவேகம். இந்தப்படத்தின் டீசர் பாடல் ஒன்று சர்வைவா என்ற பெயரில் சமீபத்தில் வெளியானது. தற்போது சர்வைவா முழுப்பாடலும் வெளியாகி வைரலாகி வருகிறது. நேற்று மாலை வெளியான இந்தப்பாடல் டிரெண்டிங்கில் இருந்து வருகிறது.

அனிருத் இசையில் விவேகம் படத்திற்காக 7 பாடல்கள் உருவாகியுள்ளன. சில தினங்களுக்கு முதல் பாடலான சர்வைவா டீசர் வெளியான நிலையில், நேற்று மாலை 6 மணிக்கு சாவன் (Saavn) எனும் இணைய இசை செயலியில் பாடல் வெளியானது. அஜித் போன்ற பிரபல பாடகரின் பாடல் இந்த செயலியில் வெளியிடப்படுவது இதுவே முதல் முறையாகும்.

இந்தப்பாடலை யோகி பி உடன் அனிருத்தும் பாடியுள்ளார். பாடலை யோகி பியும், மாலி மனோஜூம் எழுதியுள்ளனர்.


#SURVIVA 🙏- https://t.co/SFduJSRoqV#BELIEVEINYOURSELF @directorsiva @iamyogib @Malimanojmusic — Anirudh Ravichander (@anirudhofficial) June 19, 2017