Thunivu: அடுத்தடுத்த அப்டேட்டால் குஷியில் ஏகே ரசிகர்கள்: வெறித்தனமான சம்பவம்.!

எச். வினோத் இயக்கத்தில் அஜித் நடித்துள்ள 'துணிவு' படத்தின் வெளியீட்டிற்காக வெறித்தனமாக காத்திருக்கின்றனர் ரசிகர்கள். இந்த படத்திற்க்கான புரமோஷன் பணிகள் தற்போது விறுவிறுப்பாக நடந்து வருகிறது. இந்நிலையில் 'துணிவு' படத்தின் கதாபாத்திரங்கள் அறிமுகம் வெளியாகி இணையத்தை கலக்கி வருகிறது.

எச்.வினோத், அஜித் கூட்டணியில் உருவாகியுள்ள 'துணிவு' படத்தினை போனி கபூர் தயாரித்துள்ளார். இந்தப்படத்தின் போஸ்டர்கள், பாடல்கள் எல்லாம் வெளியாகி ரசிகர்கள் மத்தியில் எதிர்பார்ப்பை கிளப்பியுள்ளது. 'வலிமை' படத்தினை போல் இல்லாமல் இந்தப்படம் முழுக்க முழுக்க வினோத் பாணியில் உருவாகியிருக்கும் என்ற ஆர்வத்துடன் காத்திருக்கின்றனர் ரசிகர்கள்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

எச்.வினோத் அஜித் நடிப்பில் கூட்டணி நேர்கொண்ட பார்வை படத்தின் மூலம் இணைந்தனர். இந்தப்படத்தை தொடர்ந்து கடந்த பிப்ரவரி மாதம் 'வலிமை' படம் வெளியானது. இந்தப்படத்தின் மேக்கிங், அஜித்தின் லுக் கடுமையாக விமர்சிக்கப்பட்டது. இந்த நெகட்டிவ் விமர்சனங்களை எல்லாம் தாண்டி மூன்றாவது முறையாக அஜித், எச். வினோத், போனி கபூர் மூவரும் 'துணிவு' படத்தில் இணைந்துள்ளனர்.

'துணிவு' படத்திலிருந்து சில்லா சில்லா, 'காசேதான் கடவுளடா' மற்றும் கே.எஸ். சித்ரா பாடியுள்ள பாடல் ஒன்றும் வெளியாகியுள்ளது. ஜிப்ரான் இசையமைத்துள்ள இந்தப்பாடல்கள் ரசிகர்கள் மத்தியில் அமோக வரவேற்பை பெற்று வருகிறது. இந்நிலையில் இந்தப்படத்தில் நடித்துள்ள நடிகர்களின் கேரக்டர்கள் தற்போது அறிமுகப்படுத்தப்பட்டு வருகிறது.

Oh My Ghost Review: சன்னி லியோனின் 'ஓ மை கோஸ்ட்' எப்படி இருக்கு.?: முழு விமர்சனம் இதோ.!

அதன்படி, இந்தப்படத்தில் நடிகர் சமுத்திரக்கனி தயாளன் என்ற கேரக்டரில் நடித்துள்ளார். பிரபல தெலுங்கு நடிகர் அஜய் ராமச்சந்திரன் என்ற கேரக்டரிலும், பட்டிமன்ற பேச்சாளர் மோகன சுந்தரம் "மை பா" எனும் தொலைக்காட்சி செய்தியாளர் கேரக்டரிலும், ராஜதந்திரம் வீரா ராதா என்ற கேரக்டரிலும், ஜிஎம் சுந்தர் முத்தழகன் என்ற கேரக்டரிலும், சார்பட்டா பரம்பரை ஜான் கோக்கன் கிரிஷ் என்ற கேரக்டரிலும், பக்ஸ் ராஜேஷ் என்ற கேரக்டரிலும், நடித்துள்ளனர்.


மேலும் மஞ்சு வாரியர் கண்மணி என்ற கேரக்டரிலும் நடித்துள்ளதாக அறிவிப்பு வெளியாகியுள்ளது. இந்த கதாபாத்திரங்கள் அறிமுகம் தற்போது இணையத்தில் வைரலாகி வருகிறது. இதனிடையில் அஜித்தின் கேரக்டர் அறிவிப்பு எப்போது வெளியாகும் என்று ஆர்வமுடன் காத்து வருகின்றனர் ரசிகர்கள். உதயநிதி ஸ்டாலினின் ரெட் ஜெயண்ட் மூவீஸ் நிறுவனம் 'துணிவு' படத்தின் தமிழக வெளியீட்டு உரிமையை கைப்பற்றியுள்ளது குறிப்பிடத்தக்கது.

Sembi Review: பிரபு சாலமனின் 'செம்பி' படம் எப்படி இருக்கிறது.?: முழு விமர்சனம் இதோ.!