வரலாறு படத்தின் 11ஆம் ஆண்டு: அஜித் ரசிகர்கள் கொண்டாட்டம்

அஜித் நடிப்பில் வெளியான வரலாறு திரைப்படத்தின் 11 வது ஆண்டு விழா கொண்டாட்டம் அஜித் ரசிகர்களிடையே ட்விட்டரில் ட்ரெண்ட் ஆகி வருகிறது.

தீபாவளிக்கு வெளியாகி வெற்றிகரமாக ஓடிக்கொண்டிருக்கும் விஜய் படமான மெர்சல் சமூக வலைத்தளங்களை நிரம்பிக்கொண்டிருக்கும் நிலையில், இன்று அஜித் ரசிகர்கள் களத்தில் குதித்துள்ளனர்.

2006ம் ஆண்டு கே.எஸ். ரவிக்குமார் இயக்கத்தில் அஜித் நடித்து வெளியான வரலாறு படத்தின் 11 ஆண்டு விழாவை அவர்கள் வைரலாக்கிவிட்டனர். காலை முதல் வரலாறு பற்றிய பதிவுகள் ட்விட்டரில் அதிகமாக பகிரப்பட்டு வருகிறது.

இந்தப் படத்திற்கு முதலில் காட்ஃபாதர் என தலைப்பிட்டு பிறகு வரலாறு என மாற்றம் செய்தனர். இதில் அஜித் பெண் தன்மை கொண்ட பாத்திரத்தில் நடித்திருந்தார். வசூலில் சாதனை படைத்த இந்த படத்தில் அஜித்தின் நடிப்பு மிகவும் பேசப்பட்டது குறிப்பிடத்தக்கது.