AK 62: வருது வருது.. 'ஏகே 62' அறிவிப்புக்கு தேதி குறிச்சாச்சு: அந்த ஸ்பெஷலான நாளில்..!

அஜித் ரசிகர்களின் தற்போதைய மிகப்பெரிய கவலையாக இருப்பது 'ஏகே 62' அறிவிப்பு எப்போது வெளியாகும் என்பதுதான். 'லியோ' படத்துக்கு போட்டியாக வெளியாகும் என எதிர்பார்க்கப்பட்ட இந்தப்படத்தின் அதிகாரப்பூர்வ அறிவிப்பே இன்னமும் வெளியாகதது ரசிகர்கள் மத்தியில் அப்செட்டை ஏற்படுத்தியுள்ளது. இந்நிலையில் 'ஏகே 62' படம் குறித்து வெளியாகியுள்ள தகவல் சோஷியல் மீடியாவில் வைரலாகி வருகிறது.

கடந்த பொங்கல் வெளியீடாக அஜித் நடிப்பில் 'துணிவு' படம் வெளியானது. நீண்ட இடைவேளைக்கு பிறகு விஜய், அஜித் படங்கள் ஒரே நாளில் ரிலீசாகி திரையரங்குகள் திருவிழாக்கோலம் பூண்டன. எச். வினோத், போனி கபூர், அஜித் கூட்டணி மூன்றாவது முறையாக 'துணிவு' படத்தில் இணைந்தது. வங்கி கொள்ளையை மையமாக வைத்து ஆக்ஷன் ஜானரில் கடந்த ஜனவரியில் ரிலீசான 'துணிவு' படம் பாக்ஸ் ஆபிசில் வசூல் சாதனை படைத்தது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

'துணிவு' பட ரிலீசுக்கு முன்பாகவே அஜித்தின் 'ஏகே 62' அறிவிப்பு வெளியானது. ஒரு படத்தின் ரிலீசுக்கு முன்பாகவே அஜித்தின் அடுத்த பட அறிவிப்பு வெளியானது ரசிகர்கள் மத்தியில் அதிர்ச்சியையும், குதுகலத்தை ஏற்படுத்தியது. லைகா நிறுவனத்தின் தயாரிப்பில் விக்னேஷ் சிவன் இயக்கத்தில், அனிருத் இசையில் 'ஏகே 62' படம் உருவாவதாக அறிவிக்கப்பட்டது.

இந்நிலையில் திடீரென 'ஏகே 62' படத்திலிருந்து விக்னேஷ் சிவன் விலகியதாக தகவல்கள் வெளியாகின. இதனை அண்மையில் பேட்டி ஒன்றிலும் உறுதிப்படுத்தினர் விக்கி. தயாரிப்பு தரப்பிற்கு கதையின் இரண்டாம் பாதி பிடிக்கவில்லை என்றும் அஜித் தரப்பிலிருந்து தனக்கு எந்தவிதமான அழுத்தமும் அளிக்கப்படவில்லை என்றும் கூறியிருந்தார். இதனையடுத்து 'ஏகே 62' படத்தை இயக்கும் வாய்ப்பை மகிழ் திருமேனி கைப்பற்றியுள்ளார்.

Suriya 42: சஸ்பென்சை உடைச்சுட்டீங்களே.. அப்செட்டில் 'சூர்யா 42' படக்குழு.!

தடையற தாக்க, மீகாமன், தடம், கலகத்தலைவன் உள்ளிட்ட ஆக்ஷன் த்ரில்லர் படங்களை இயக்கிய மகிழுடன் முதன்முறையாக அஜித் இணைந்துள்ளது ரசிகர்கள் மத்தியில் எக்கச்சக்க எதிர்பார்ப்பினை கிளப்பி வருகிறது. இந்தப்படத்தின் அதிகாரப்பூர்வ அறிவிப்பிற்காக நீண்ட காலமாக ரசிகர்கள் ஆர்வமுடன் காத்திருக்கின்றனர். அண்மையில் அஜித்தின் தந்தை காலமானதாலும் 'ஏகே 62' அறிவிப்பு தொடர்ந்து தள்ளிப்போய் கொண்டே உள்ளது.

இந்நிலையில் விக்கி விஷயத்தில் நடந்த தவறு தற்போது நிகழக்கூடாது என்பதால் மகிழ் திருமேனி முழு ஸ்கிரிப்டையும் உருவாக்க தயாரிப்பு தரப்பு நேரம் கொடுத்துள்ளதால் 'ஏகே 62' அறிவிப்பு தாமதமாவதாக கூறப்படுகிறது. மேலும் கிட்டத்தட்ட மகிழ் திருமேனி ஸ்கிரிப்டை தயார் செய்துவிட்டதால் அஜித்தின் பிறந்தநாளான மே 1 ல் 'ஏகே 62' அறிவிப்பு வெளியாகும் என்றும் தகவல்கள் வெளியாகியுள்ளது. டைட்டிலுடன் இந்த அறிவிப்பை படக்குழு வெளியிடவுள்ளது குறிப்பிடத்தக்கது.

Maaveeran: நெற்றியில் திருநீறு.. சாந்தமான புதிய லுக்கில் எஸ்கே: தீயாய் பரவும் புகைப்படம்.!