அகிலுக்கு நிச்சயத்தார்த்தம் செய்யப்பட்ட பெண், ராம்சரணின் உறவினரை மணக்கிறார்!

நடிகர் அகிலுக்கு நிச்சயத்தார்த்தம் செய்யப்பட்ட ஸ்ரியா பூபால் தற்போது ராம் சரண் மனைவின் உறவினர் ஒருவரை திருமணம் செய்யவுள்ளார்.

பிரபல நடிகை சமந்தா சமீபத்தில் நாக சைதன்யாவை திருமணம் செய்து கொண்டார். நாகசைதன்யாவின் தம்பி அக்கினேனி அகில். இவர் நடிகரும்கூட. நடிகர் நாகார்ஜுனா, அமலா தம்பதியின் மகனான இவர் ஸ்ரியா பூபால் என்பவரை காதலித்து வந்தார். இவர்கள் இருவருக்கும் பிரம்மாண்டமாக நிச்சயதார்த்தம் நடந்து முடிந்தது.

இந்த நிச்சயத்தார்த்தம் சமந்தா- நாக சைதன்யா திருமணத்திற்கு முன்பே நடைபெற்றது. ஆனால் இருவருக்கும் இடையே வந்த மனவருத்தம் காரணம் திருமணம் நின்றுபோனது. ஆனால் இவர்களின் பெற்றோரும் இந்த விசயத்தில் அமைதி காத்து வந்தனர். இந்நிலையில் அகிலுக்கு நிச்சயம் செய்யப்பட்ட ஸ்ரியா பூபால், தற்போது பிரபல நடிகரான ராம் சரணின் மனைவியின் உறவினர் அனிந்தித் என்பவரை திருமணம் செய்ய இருப்பதாக தகவல் வெளியாகியுள்ளது.