வாய்ப்புக்காக காத்திருக்கும் அக்ஷராஹாசன்!

‘விவேகம்’ படத்திற்கு பின் வாய்ப்புகள் குவியும் என்ற நம்பிக்கையில் காத்திருக்கிறார் நடிகை அக்ஷராஹாசன்.

நடிகர் கமல்ஹாசன் மகள்கள் ஸ்ருதிஹாசன் மற்றும் அக்ஷராஹாசன். அக்கா ஸ்ருதிஹாசன் பல படங்களில் நடித்து தற்போது முன்னணி நடிகை அந்தஸ்தில் இருக்கிறார். தற்போது மூன்று மொழி படங்களில் நடித்து வருகிறார்.

தங்கை அக்ஷராஹாசன் தற்போது அஜீத்துடன் ‘விவேகம்’ படத்தில் நடித்து வருகிறார். இன்னும், தன் திறமையை காட்டும் வகையிலான வாய்ப்பு கிடைக்கவில்லை. ‘விவேகம்’ படத்தில், காஜல் அகர்வாலுடன் இணைந்து அக்ஷராவும் நடித்துள்ளார்.

இதில், அக்ஷராவுக்கு ஹீரோயின் வேடம் இல்லையாம். வில்லன்களால் கடத்தப்படும் பெண்ணாக அக் ஷரா நடிக்கிறார். அவரை கடத்தல்காரர்களிடமிருந்து மீட்கும் போலீஸ் அதிகாரியாக அஜீத் நடித்துள்ளார். இந்த படம் வெளியான பின், தனக்கு தமிழில் அதிக வாய்ப்புகள் தானாக தேடி வரும் என, நம்பிக்கையுடன் இருக்கிறார் அக்ஷராஹாசன்.