ஆர்ஆர்ஆர்
பிரபல பாலிவுட் நடிகை ஆலியா பட். பிரபல இயக்குநரும் தயாரிப்பாளருமான மகேஷ் பட்டின் மகள் ஆவார். பாலிவுட்டில் முன்னணி நடிகையாக வலம் வரும் ஆலியா பட், எஸ்எஸ் ராஜமவுலி இயக்கத்தில் சமீபத்தில் வெளியான ஆர்ஆர்ஆர் படத்தில் முக்கிய கதாப்பாத்திரத்தில் நடித்திருந்தார்.
ஏப்ரல் 14ல்
நடிகை ஆலியா பட்டும் பிரபல பாலிவுட் நடிகரான ரன்பீர் கபூரும் கடந்த சில ஆண்டுகளாக காதலித்து வந்தனர். கடந்த ஏப்ரல் 14 ஆம் தேதி இருவரும் திருமணம் செய்து கொண்டனர். அவர்களின் திருமணத்தில் பாலிவுட் பிரபலங்கள் பலரும் பங்கேற்றனர்.
விரைவில்
இந்நிலையில் தான் கர்ப்பமாக உள்ளதை தனது சமூக வலைதள பக்கத்தில் அறிவித்துள்ளார் நடிகை ஆலியா பட். இதுதொடர்பான அவரது பதிவில், Our baby ….. coming soon என குறிப்பிட்டுள்ளார். மேலும் மருத்துவமனையில் செக்கப்பில் உள்ள போட்டோ மற்றும் சிங்கம், பெண் சிங்கம் தனது குட்டியுடன் இருக்கும் போட்டோவையும் ஷேர் செய்துள்ளார்.
இரண்டே மாதங்கள்
திருமணம் ஆன இரண்டே மாதங்களில் தான் தயாக போவதாக ஆலியா பட் அறிவித்திருப்பதற்கு அவரது அப்பாவும் தயாரிப்பாளருமான மகேஷ் பட் வாழ்த்து தெரிவித்துள்ளார். என்னுடைய பேபிக்கு ஒரு பேபி போகிறது என மகிழ்ச்சியை வெளிப்படுத்தியுள்ளார்.
வாழ்த்து
இதேபோல் ரகுல் பிரீத், கரன் ஜோஹர், பிரியங்கா சோப்ரா, மவுனி ராய், ரித்திமா கபூர், சோனி ரஸ்டன், பரினீதி சோப்ரா, ஜாக்கி ஷெராஃப், வாணி கபூர் உள்ளிட்ட பலரும் சமூக வலைதளங்களில் வாழ்த்து தெரிவித்து வருகின்றனர். ஆலியா பட் தற்போது பிரம்மாஸ்த்ரா, டார்லிங்ஸ் உள்ளிட்ட 4 படங்களில் நடித்து வருகிறார் என்பது குறிப்பிடத்தக்கது.