சிரஞ்சீவியுடன் நடனமாடிய அல்லு அர்ஜுன்!

‘கைதி நம்பர் 150’ படத்தில் சிரஞ்சீவியுடன் அல்லு அர்ஜுன் ஒரு பாடலுக்கு நடமானடியுள்ளதாக கூறப்படுகிறது.

சிரஞ்சீவியின் 150வது திரைப்படமான ‘கைதி நம்பர் 150’ படமும், பாலகிருஷ்ணாவின் 100வது படமான ‘கௌதமிபுத்ர சடர்கனி’ படமும் பொங்கல் பரபரப்பை தற்போதே டோலிவுட்டில் ஏற்படுத்தியுள்ளன. ஜனவரி 11ல் ‘கைதி நம்பர் 150’ படமும், ஜனவரி 12ல் ‘கௌதமிபுத்ர சடர்கனி’ படமும் திரைக்கு வருகிறது. இப்படங்களை விளம்பரப்படுத்தும் முயற்சிகளில் தற்போது படக்குழு இறங்கியுள்ளனர்.செய்தியாளர்களைச் சந்தித்த சிரஞ்சீவி கைதி நம்பர் 150 படத்தின் சுவரஸ்யமான விஷயங்களை பகிர்ந்து கொண்டுள்ளார்.

அதில் ஒன்று டோலிவுட்டின் ஸ்டையில் நாயகன் அல்லு அர்ஜூன் இப்படத்தில் சிறப்பு தோற்றத்தில் தோன்றியுள்ளார். இவர் சிரஞ்சீவியின் மனைவி சுரேக்காவின் சகோதரர் அல்லு அரவிந்தின் மகன் தான் அல்லு அர்ஜூன். . ஏற்கனவே ‘கைதி நம்பர் 150’ படத்தில் சிரஞ்சீவியுடன் ராம் சரண் நடனமாடுவது குறித்து தகவல்கள் வெளிவந்தன. இந்நிலையில் இவர்களுடன் அல்லு அர்ஜூன் நடனமாடியிருப்பதாக தகவல்கள் தெரிவிக்கின்றன.