மோகன்லாலுடன் இணையும் அல்லு சிரிஷ்!

மேஜர் ரவி இயக்கத்தில் மோகன்லால் நடிக்கும் ‘1971‘ என்ற படத்தில் தெலுங்கு நடிகர் அல்லு சிரிஷ் நடிக்கவுள்ளார்.

அல்லு சிரிஷ் பிரபல தயாரிப்பாளர் அல்லு அரவிந்த்தின் இளைய மகன். மூத்த மகன்தான் அல்லு அர்ஜுன். அல்லு அர்ஜுன் மலையாள திரை உலகிலும் தனக்கென ஒரு ரசிகர் கூட்டத்தை வைத்திருக்கிறார். அல்லு அர்ஜுனின் தெலுங்கு படங்களில் மலையாளத்தில் மொழிமாற்றம் செய்து வெளியிடப்பட்டு நல்ல வரவேற்பைப் பெறுகின்றன.

நடிகர் அல்லு அர்ஜுனைத் தொடர்ந்து அவரது தம்பி அல்லு சிரிஷ் மலையாளப் படம் ஒன்றில் நடிக்கவுள்ளார். நடிகர் மோகன்லால் இரு வேடங்களில் நடிக்கவிருக்கும் ‘1971’ எனும் மலையாள படத்தில் அல்லு சிரிஷ் முக்கிய வேடத்தில் நடிக்கிறார்.

1971ல் நடந்த இந்திய & பாகிஷ்தான் போரை மையப்படுத்திய இப்படம் தெலுங்கிலும் மொழிமாற்றம் செய்து வெளியிடப்படவுள்ளது. படத்தில் ஆஷா சரத், சுதீர், கண்ணா பட்டம்பி, ரெஞ்சி பனிக்கர், மனிகுட்டன், கிருஷ்ண குமார் மற்றும் பலர் நடிக்கவுள்ள இப்படத்தை மேஜர் ரவி இயக்குகின்றார். இந்தப் படம் ஏப்ரல் 7ம் திரைக்கு வருகிறது.