அமலா பால், பவ்னிந்தர் சிங் வைரல் புகைப்படங்கள்: உண்மை இதோ

நடிகை அமலா பால் இயக்குனர் ஏ.எல்.விஜய்யை காதலித்து திருமணம் செய்து கொண்டு பின்னர் பிரிந்துவிட்டார். விவாகரத்திற்கு பிறகு அமலா தன் கெரியரில் கவனம் செலுத்தி வருகிறார்.

இந்நிலையில் தான் வேறொருவரை காதலித்து வருவதாக கூறிய அவர், அது யார் என்பது பற்றி சொல்லாமல் இருந்தார்.

சில வாரங்கள் முன்பு அமலா பால் பவ்னிந்தர் சிங் என்பவருடன் நெருக்கமாக இருக்கும் சில புகைப்படங்கள் இணையத்தில் வைரலானது. இதையடுத்து அவர் தான் அமலா பாலின் காதலர் என கூறப்பட்டது.

இந்நிலையில் பவ்னிந்தர் சிங் தன்னுடைய இன்ஸ்டாகிராம் பக்கத்தில் தான் அமலா பாலுடன் இருக்கும் புகைப்படங்களை வெளியிட்டார். ஆனால் சில நிமிடங்களில் அதை நீக்கிவிட்டார். அந்த புகைப்படங்களை பார்த்தவர்கள் அமலாவுக்கும், பவ்னிந்தருக்கும் திருமணமாகிவிட்டதாக பேசினார்கள். ஆனால் அமலாவுக்கு திருமணம் எல்லாம் நடக்கவில்லை என்று அவரின் மேனேஜர் தெரிவி்த்துள்ளார்.


அவர்கள் இருவரும் ஏற்கனவே லிவ்-இன் ரிலேஷன்ஷிப்பில் இருப்பதாக கூறப்படும் நிலையில் இந்த புகைப்படங்கள் வெளியானதால் வேறு மாதிரி பேசப்பட்டது.

தற்போது அந்த புகைப்படங்கள் குறித்த உண்மை தெரிந்துவிட்டது. அவை ஒரு போட்டோஷூட்டிற்காக எடுக்கப்பட்டவையாம்.