பயங்கர கொள்ளைக்காரனுக்கு ஜோடியாகும் அமலாபால்!

‘காயங்குளம் கொச்சுண்ணி’ படத்தில் நிவின்பாலிக்கு ஜோடியாக அமலா பால் நடிக்க ஒப்பந்தமாகியுள்ளார்.

இயக்குனர் ரோஷன் ஆண்ட்ரூஸ், தமிழில் ‘36 வயதினிலே’ படம் மூலம் காலடி எடுத்து வைத்தவர். தற்போது இவர் மலையாளத்தில் ‘காயங்குளம் கொச்சுண்ணி’ என்கிற படத்தை இயக்கி வருகிறார். இந்தப் படத்தின் நாயகனாக நிவின்பாலி நடிக்கிறார். நாயகியாக அமலாபால் நடிக்கவுள்ளார்.

இதற்குமுன், அதாவது இரண்டு வருடங்களுக்கு முன் மலையாளத்தில் வெளியான ‘மிலி’ என்கிற படத்தில் இருவரும் இணைந்து நடித்திருந்தனர். இப்போது ‘காயங்குளம் கொச்சுண்ணி’க்காக மீண்டும் ஒன்று சேர்ந்துள்ளனர். நிஜ சம்பவத்தில் நடந்ததை படமாக எடுக்கிறார் இயக்குனர்.

1980களில் நிஜமாகவே வாழ்ந்த மிக பயங்கர கொள்ளையனான ‘இருந்தவர்தான் காயம்குளம் கொச்சுண்ணி’. இவரது வாழ்க்கை வரலாற்றைத்தான் படமாக்கவுள்ளார் இயக்குனர் ரோஷன் ஆண்ட்ரூஸ். காயம்குளம் கொச்சுண்ணி, தமிழக எல்லைப்பகுதியில் திருடுவதில் வல்லவராம். அதிலும் களரி சண்டையில் மிகவும் கெட்டிக்காரராம். அதனால் இந்த கேரக்டரில் நடிக்கும் நிவின்பாலியும் படத்துக்காக களரி சண்டை கற்று வருகிறாராம்.