பல ஆயிரம் கோடிக்கு சொந்தக்காரரை மணமுடிக்கும் நடிகை எமி ஜாக்சன்!

இயக்குனர் ஏ.எல்.விஜய் இயக்கத்தில் வெளியான ‘மதராசபட்டினம்‘ படத்தின் மூலம் கோலிவுட்டில் அறிமுகமானவர் நடிகை எமி ஜாக்சன். இந்த படத்தை அடுத்து முன்னணி நடிகர்களின் படங்களாக தேர்வு செய்து மட்டுமே அதில் நடித்து வருகிறார். சம்பளமும் முன்னணி நடிகைகள் வாங்கும் அளவுக்கு அவருக்கு கொடுக்கப்பட்டு வந்தது.

இந்நிலையில் விஜய்யுடன் ‘தெறி’ படத்தில் முக்கிய கதாபாத்திரத்தில் எமி நடித்திருந்தார். அதேபோல ரஜினி நடிப்பில் வெளியான ‘2.0’ படத்திலும் நடிகை எமி ஜாக்சன் நடித்திருந்தார்.

இந்நிலையில் நடிகை எமி ஜாக்சனுக்கும் அவரது காதலருக்கும் கடந்த இரண்டு நாட்களுக்கு முன்பு நிச்சதார்த்தம் நடந்தது. நடிகை எமி ஜாக்சன் இங்கிலாந்தை சேர்ந்த பிரபல தொழிலதிபரின் மகன் ஜார்ஜ் என்பவரை காதலித்து வருகிறார்.

ஜார்ஜின் தந்தை ஆன்ட்ரஸ். இவர் அபிலிட்டி குரூப் என்ற நிறுவனத்தை நடத்தி வருகிறார். அவரின் சொத்து மதிப்பு மட்டும் 400 மில்லியன் பவுண்டுகள். இந்திய ரூபாய் மதிப்பில் இது 3500 கோடி ரூபாய்க்கும் மேல் இருக்கும் என கூறப்படுகிறது.