சக்கப்போடு போடு ராஜா’படத்திற்கு இசையமைக்க அனிருத்திடம் பேச்சுவார்த்தை!

சக்கப்போடு போடு ராஜா’படத்திற்கு இசையமைக்க அனிருத்திடம் பேச்சு வார்த்தை நடித்தியிருக்கிறார் நடிகர் சந்தானம்.

வல்லவனுக்கு புல்லும் ஆயுதம், ‘இனிமே இப்படித்தான்’ஆகிய படங்களில் நடிகர் சந்தானம் ஹீரோவாக நடித்தார். இந்த இரு படங்களும் தோல்வியடைந்த நிலையில், அவர் மூன்றாவதாக நடித்த ‘தில்லுக்கு துட்டு’படம் கமர்ஷியலாக வெற்றிபெற்றது. இந்தப் படம் மூலம் தன்னை கதாநாயகனாக நிலைநிறுத்திக் கொண்டுவிட்டார் நடிகர் சந்தானம்.

தற்போது ‘சர்வர் சுந்தரம், படத்தை முடித்துவிட்டார். அடுத்ததாக செல்வராகவன் இயக்கத்தில் ஒரு படம், விடிவி கணேஷ் தயாரிப்பில் ‘சக்கப்போடு போடு ராஜா, வாசன் விஷுவல் வெஞ்சர்ஸ் தயாரிப்பில் ‘ஓடி ஓடி உழைக்கணும், போன்ற படங்களில் ஹீரோவாக நடிக்க கமிட்டாகியுள்ளார்.

சந்தானம் நடித்த படங்களில் பாடல்கள் பெரிய அளவில் ஹிட் கொடுக்கவில்லை. எனவே, தற்போது நடிக்கும் ‘சக்கப்போடு போடு ராஜா’ படத்தின் பாடல்களை ஹிட் கொடுக்கும் வகையில் அனிருத்தை இசையமைக்க அவரிடம் பேச்சுவார்த்தை நடத்தி இருக்கிறாராம் சந்தானம். இதற்கு அனிருத் ஓகே சொல்வார் என்று எதிர்பார்க்கப்படுகிறது.