Master இந்த வாத்தி ஸ்டெப் தெறிக்குது பா.. அனிருத் பகிர்ந்த மாஸ் வீடியோ

அனிருத் இசையமைத்துள்ள மாஸ்டர் படத்தின் பாடல்கள் அனைத்தும் இன்று வெளியாகவுள்ளது. ஏற்கனவே மூன்று பாடல்கள் ரிலீஸ் ஆகி பிரம்மாண்ட வரவேற்பை பெற்றுள்ளன. நேற்று இரவு வெளியான வாத்தி ரெய்டு பாடல் தற்போது வரை மூன்று மில்லியனுக்கும் அதிகமான பார்வைகளை குவித்துள்ளது.

அதற்கு முன்பு வெளிவந்த 'வாத்தி கமிங்' பாடலும் பெரிய ஹிட் ஆனது. அந்த வீடியோவில் அனிருத் நடனமாடியிருந்தது ரசிகர்களை வெகுவாக கவர்ந்தது. அது போல நடனம் ஆடி பலரும் சமூக வலைத்தளங்களில் வீடியோ பதிவிட்டு வருகின்றனர்.

தற்போது அண்ணா பல்கலைக்கழக மாணவர்கள் அதிகம் பேர் வாத்தி கமிங் பாடலுக்கு நடனம் ஆடியுள்ள வீடியோ இணையத்தில் வைரலாகி வருகிறது.

அந்த விடீயோவை பார்த்த இசையமைப்பாளர் அனிருத் அதை ட்விட்டரில் பகிர்ந்துள்ளார். "இந்த வாத்தி ஸ்டெப் தெறிக்குது பா" என அனிருத் கூறியுள்ளார்.


விஜய் கல்லூரி பேராசிரியராக நடித்துள்ள மாஸ்டர் படத்தில் மொத்தம் 8 பாடல்கள் இருப்பதாக கூறி முழு ட்ராக் லிஸ்ட் இன்று காலை தான் வெளியாகியிருந்தது.

யுவன் ஷங்கர் ராஜா மற்றும் சந்தோஷ் நாராயணன் ஆகியோரும் பாடல்கள் பாடியுள்ளனர் என்பது ரசிகர்களுக்கு சர்ப்ரைஸ். அந்த பாடல்களை கேட்க தற்போது ரசிகர்கள் வெறித்தனமாக காத்திருக்கின்றனர்.

இன்று மாலை சென்னையில் உள்ள ஒரு பிரபல ஐந்து நட்சத்திர ஹோட்டலில் மாஸ்டர் இசை வெளியீட்டு விழா நடைபெறுகிறது. அது தொலைக்காட்சியிலும் ஒளிபரப்பு செய்யப்படவுள்ளது. அந்த நிகழ்ச்சியில் விஜய் என்ன பேசப்போகிறார் என்பதை கேட்கவே பலரும் ஆவலுடன் காத்திருக்கின்றனர்.