ரகசியமாக நடந்த ‘வஞ்சகர் உலகம்’ பட நடிகையின் திருமண நிச்சயதார்த்தம்!

‘வஞ்சகர் உலகம்‘ என்ற படத்தின் மூலம் தமிழ் சினிமாவில் அறிமுகமானவர் நடிகை அனிஷா அம்புரோஸ். இவர் தெலுங்கில் ‘கோபாலா கோபாலா’, ‘ரன்’, ‘மனமந்தா’ உட்பட பல படங்களில் நடித்துள்ளார். மலையாளத்திலும் இவர் நடித்துள்ளார். சமீபத்தில் நடிகை அனிஷா தெலுங்கு நடிகர் ஒரு வரை காதலித்துவருவதாகவும் அவரை திருமணம் செய்துகொள்ள இருப்பதாகவும் கூறப்பட்டது.

இந்நிலையில் நடிகை அனிஷாவுக்கு, குணா ஜக்கா என்பவருடன் திருமணம் நிச்சயிக்கப்பட்டுள்ளது. இந்த விழாவிற்கு நெருங்கிய உறவினர்கள் மட்டுமே கலந்துகொண்டனர். சினிமா துறையில் இருந்து அனிஷா யாரையும் அழைக்கவில்லை. ‘’குணா, சினிமாவில் வேலை செய்யவில்லை. இவர்கள் திருமணம் இன்னும் இரண்டு மாதத்தில் நடக்க இருக்கிறது. திருமணத்துக்குப் பிறகும் அனிஷா தொடர்ந்து நடிப்பார்’’ என்று அவருக்கு நெருக்கமானவர்கள் தெரிவித்துள்ளனர்.