சித்தியுடன் அஞ்சலி சமரசம்?

கற்றது தமிழ் என்ற படத்தின் மூலம் தமிழ் சினிமாவில் அறிமுகமான நடிகை அஞ்சலி. அதன் பிறகு ஆயுதம் செய்வோம், அங்காடிதெரு என்று தொடர்ச்சியாக பல படங்களில் நடித்தார். இவரை சினிமாவில் பெரிய நடிகையாக உருவாக்குவதற்கு இவரது சித்தியும் ஒரு காரணம்.

ஆந்திராவில் இருந்த அஞ்சலியை 2002ம் ஆண்டு சென்னைக்கு அழைத்து வந்து சினிமாவிற்கு பயன்படும் டான்ஸ் உள்பட அனைத்தையும் அவருக்கு பயிற்சி கொடுத்து கற்றுக்கொள்ள வைத்தார். அப்படி கற்றுக்கொண்டு நடித்த முதல் படம் தான் கற்றது தமிழ். அதன் பிறகு வழக்கமாக வாய்ப்பு தேடி வர பல படங்களில் நடித்து முடித்தார்.

ஒரு கட்டத்தில் அஞ்சலிக்கும், அவரது சித்திக்கும் இடையே குடும்பச்சண்டை காரணமாக அமைய சென்னையிலிருந்து ஹைதராபாத்தில் இருந்த தனது பெற்றோரிடம் சென்றுவிட்டார். இருப்பினும், சில காலம் சித்தி பாரதியுடன் பேச்சுவார்த்தை இல்லாமல் இருந்த அஞ்சலி சமீபத்தில் சென்னை வந்த போது சண்டையை மறந்து சித்தியின் வீட்டிற்கு சென்றுள்ளார். அவரைப் பார்த்ததும் பாரதியும் அஞ்சலியை வரவேற்று அன்பாக பேசியதாக கோலிவுட்டில் பரபரப்பாக பேச்சு அடிபடுகிறது.