மலையாளத்தில் "ரோசாப்பூ"வாக ஜொலிக்கும் அஞ்சலி!

நடிகை அஞ்சலி, மலையாளத்தில் ‘ரோசாப்பூ’ என்ற படத்தில் நடித்து வருகிறார்.

நடிகை அஞ்சலி, தமிழ், தெலுங்கு, மலையாளம், கன்னடப் படங்கள் மட்டுமின்றி, இந்தியிலும் கால் பதித்துள்ளார். ஏராளமான தமிழ்ப் படங்களில் நடித்துள்ள அஞ்சலி, அவ்வப்போது தெலுங்கு மற்றும் கன்னடப் படங்களில் நடித்து வருகிறார். மலையாளத்தில் இதுவரை ‘பையன்ஸ்’ என்ற ஒரே ஒரு படத்தில் மட்டுமே நடித்துள்ளார். அதன்பிறகு எந்த மலையாளப் படத்திலும் நடிக்காத அஞ்சலி தற்போது 6 வருடங்கள் கழித்து ஒரு படத்தில் நடிக்கிறார்.

அஞ்சலி நடிக்கும் படத்திற்கு ‘ரோசாப்பூ’ என்று பெயரிடப்பட்டுள்ளது. இந்தப் படத்தை, வினு ஜோசப் இயக்குகிறார். இந்தப் படத்தில் பிஜு மேனன் மற்றும் நீரஜ் மாதவ் ஆகிய இருவரும் ஹீரோக்களாக நடிக்கின்றனர். தமீம் ஃபிலிம்ஸ் சார்பில் ஷிபு தமீம்ஸ் இந்தப் படத்தைத் தயாரிக்கிறார்.