Anjali: மீண்டும் ஜோடி சேர்ந்த விஜய் சேதுபதி - அஞ்சலி!

ராஜமௌலி இயக்கத்தில் பிரபாஸ், அனுஷ்கா நடிப்பில் உருவான படம் ‘பாகுபலி-2’. இப்படத்தை எஸ்.என்.ராஜராஜனின் கே.புரொடக்‌ஷன்ஸ் வெளியிட்டது. இந்நிலையில் ‘மடை திறந்து’, ‘1945’, ‘பியார் பிரேமா காதல்’ ஆகிய படங்களை கே.புரொடக்‌ஷன்ஸ் தயாரித்து வருகிறது.

இந்நிலையில் இந்நிறுவனம் விஜய் சேதுபதி நடிக்கும் புதிய படத்தை தயாரிக்கிறது. இதற்கு இன்னும் பெயர் சூட்டப்படவில்லை. இந்தப் படத்தில் விஜய் சேதுபதிக்கு ஜோடியாக அஞ்சலி நடிக்கிறார்.

இதன் படப்பிடிப்பு தென்காசி, குற்றாலம் ஆகிய இடங்களில் நடைபெற்றுள்ளது. இதையடுத்து தாய்லாந்தில் அடுத்தக்கட்ட படப்பிடிப்பு நடைபெற உள்ளது. கதைக்கான தேவை இருப்பதால், பெரும்பாலான காட்சிகள் வெளிநாட்டில் படமாக்கப்படுவதாக இயக்குநர் அருண்குமார் கூறியுள்ளார்.

இது காதலும், மோதலும் கலந்த படமாக இருக்கும் என்றார். ’சேதுபதி’ படத்தின் வெற்றியைத் தொடர்ந்து அருண்குமார் இயக்கத்தில் விஜய் சேதுபதி நடிக்கிறார். இப்படத்திற்கு யுவன் ஷங்கர் ராஜா இசையமைக்கிறார்.

விஜய் கார்த்திக் ஒளிப்பதிவு செய்கிறார். ஏற்கனவே இறைவி படத்தில் விஜய் சேதுபதியும், அஞ்சலியும் ஒன்றாக நடித்திருந்து குறிப்பிடத்தக்கது.