தள்ளிப்போனது அண்ணாத்த ரிலீஸ்! புதிய தேதியை அதிகாரப்பூர்வமாக அறிவித்த சன் பிக்சர்ஸ்

சூப்பர்ஸ்டார் ரஜினி நடித்துவரும் அண்ணாத்த படத்தின் ஷூட்டிங் ஹைதராபாத்தில் நடந்து வந்தது. அது கொரோனா காரணமாக பாதியில் நிறுத்தப்பட்டுள்ளது.

விஸ்வாசம் படத்திற்க்கு பிறகு சிவா இயக்கிவரும் இந்த படத்தில் கீர்த்தி சுரேஷ், நயன்தாரா, மீனா, குஷ்பு, பிரகாஷ் ராஜ், சூரி என பலர் நடிக்கின்றனர்.

கொரோனா லாக்டவுன் காரணமாக இரண்டு மாதமாக ஷூட்டிங் நடைபெறாமல் இருக்கும் நிலையில், தற்போது அண்ணாத்த படம் தீபாவளிக்கு வெளியாவது சந்தேகம் என்றே எதிர்பார்க்கப்பட்டது.

அதை உறுதி செய்யும் விதத்தில் சன் பிக்சர்ஸ் நிறுவனம் அதிகாரபூர்வமாக புதிய ரிலீஸ் தேதியை அறிவித்துள்ளனர். 2021 பொங்கலுக்கு தான் அண்ணாத்த ரிலீஸ் ஆகிறது. அதை வீடியோவாக ட்விட்டரில் வெளியிட்டுள்ளனர். இதோ..


தற்போது நிறுத்தப்பட்டுள்ள ஷூட்டிங் மீண்டும் நிலைமை சீரான பிறகு தான் மீண்டும் துவங்கும் என எதிர்பார்க்கப்படுகிறது. மேலும் வட இந்தியாவில் சில பகுதிகளில் நடக்கவிருந்த ஷூட்டிங்கையும் செட் போட்டு படமாக்க இயக்குனர் சிவா முடிவெடுத்துள்ளார்.