கபாலி படம் வெளியாகுமா? : சிக்கலில் ரஜினிகாந்த்

சென்னை : கபாலி திரைப்படத்தின் மேல் அடுக்கடுக்காக பல வழக்குகள் பதியப்பட்டு வருகின்றது. இன்றும் ஒரு வழக்கு பதிவாகியுள்ளது. நாளைக்குள் ரஜினிகாந்த் பதிலளிக்க வேண்டும் என நிபந்தனை விதித்துள்ளது.

ரஜினி நடிப்பில் உருவாகி இருக்கும் கபாலி திரைப்படம் இன்னும் இரண்டு நாட்களில் வெளிவர தயாராக உள்ளநிலையில், திரைப்படத்தை தடைவிதிக்கக் கோரி பல்வேறு வழக்குகள் தொடரப்பட்டு வருகிறது. முன்னதாக கபாலி திரைப்படத்திற்கான டிக்கெட் விலை அதிகமாக விற்கப்படுவதாக சென்னையை சேர்ந்த ஒருவர் வழக்கு தொடர்ந்தார். இந்த வழக்கிற்கு தடை விதிக்க முடியாது என கோர்ட் உத்தரவிட்டது. மதுரையில், கபாலி திரைப்படப் பாடல் சர்ச்சைக்குரியதாக உள்ளது என வழக்கு பதிவாகியிருக்கிறது.

இந்நிலையில், கபாலி திரைப்படத்தை தடைவிதிக்க வேண்டும் என மேலும் ஒரு வழக்கு பதிவாகியுள்ளது. அது லிங்கா திரைப்படம் வெளியிட்டதால், தாங்கள் நஷ்டமடைந்ததாக விநியோகஸ்தர்கள் மீண்டும் போர்க்கொடி தூக்கியுள்ளனர்.

ஏற்கனவே லிங்கா திரைப்படத்திற்கான நஷ்ட ஈடு வழங்க வேண்டும் என்ற பிரச்னை நிலவிவரும் நிலையில், தற்போது, உரிய நஷ்ட ஈடு வழங்கிய பின்னரே கபாலி திரைப்படம் வெளியிட வேண்டும் என ரஜினிகாந்த் மற்றும் லிங்கா திரைப்பட தயாரிப்பாளர் ராக்லைன் வெங்கடேஷ் உள்ளிட்ட 7 பேர் மீது வழக்கு தொடரப்பட்டுள்ளது.

இந்த வழக்கு தொடர்பாக நாளைக்குள் விளக்கமளிக்க கோரி 7பேருக்கு நோட்டீஸ் அனுப்பபட்டுள்ளது. மேலும் வழக்கு நாளை ஒத்தி வைக்கப்பட்டுள்ளது. இந்நிலையில் கபாலி திரைப்படம் வெளிவருமா இல்லையா என ரசிகர்கள் அதிர்ச்சியில் உள்ளனர்.